8
1
2
等级4
3K
0
2015-02-08 592 浏览
星期五晚放工同屋企人出街食晚飯,一向保守嘅佢地唔太接受新式餐廳,都係揀番間食小菜嘅穩陣。見谷反推介過呢間偉記小廚,咁咪黎試下囉,入到黎,都幾乾淨喎,有冷氣又有大電視,正呀。三個人,叫有五樣野,樣樣都想食,咁叫多啲啲啦,要滿足下五臟六腑嘛。第一樣上嘅係魚香茄子煲($68),熱辣辣,上枱仲嗞嗞響,茄子走油口感不俗,肉末半肥瘦,雖然魚香味不出,但調味不錯,送飯一流。煙霧霾漫第二樣黎左呢個鐵板牛肮腩($88),咋咋聲嘅鐵板餐呀。第一次咁樣食牛腩,肉嫩多汁,好正喎,伴碟嘅洋蔥青椒吸左肉汁都好好味。缽仔焗魚腸($68)而加好少地方有得食呢樣啦,多功夫,唔健康,魚腸難求等等原因。見到偉記有得叫,我同阿爸二話不說要叫一客試下佢。黎到原來都幾大缽,點解擺係小食系列呢?!魚腸魚春加埋蛋蒸,好綿好甘香,不過油左少少,要劈腥味掛?凍左的確係有啲腥嘅。檸檬雞柳($88),好大碟下,一碟都係雞扒,淋上厚厚嘅檸檬汁,好傑身,略甜,有啲唔係幾啱送飯。清炒時菜($48),今晚嘅時菜係小白菜,幾嫩口,炒得夠火候,叫左咁多肉類,點都要叫返碟青菜點綴下嘅,碟菜好大碟,可以平衡返啦~啲餸咁好味,真係食倒幾碗飯呀,已以後又多一個
更多
星期五晚放工同屋企人出街食晚飯,一向保守嘅佢地唔太接受新式餐廳,都係揀番間食小菜嘅穩陣。

見谷反推介過呢間偉記小廚,咁咪黎試下囉,入到黎,都幾乾淨喎,有冷氣又有大電視,正呀。

三個人,叫有五樣野,樣樣都想食,咁叫多啲啲啦,要滿足下五臟六腑嘛。
39 浏览
0 赞好
0 留言
第一樣上嘅係魚香茄子煲($68),熱辣辣,上枱仲嗞嗞響,茄子走油口感不俗,肉末半肥瘦,雖然魚香味不出,但調味不錯,送飯一流。
35 浏览
0 赞好
0 留言
煙霧霾漫
51 浏览
0 赞好
0 留言
第二樣黎左呢個鐵板牛肮腩($88),咋咋聲嘅鐵板餐呀。第一次咁樣食牛腩,肉嫩多汁,好正喎,伴碟嘅洋蔥青椒吸左肉汁都好好味。
45 浏览
0 赞好
0 留言
缽仔焗魚腸($68)
39 浏览
0 赞好
0 留言
而加好少地方有得食呢樣啦,多功夫,唔健康,魚腸難求等等原因。見到偉記有得叫,我同阿爸二話不說要叫一客試下佢。黎到原來都幾大缽,點解擺係小食系列呢?!魚腸魚春加埋蛋蒸,好綿好甘香,不過油左少少,要劈腥味掛?凍左的確係有啲腥嘅。
36 浏览
0 赞好
0 留言
檸檬雞柳($88),好大碟下,一碟都係雞扒,淋上厚厚嘅檸檬汁,好傑身,略甜,有啲唔係幾啱送飯。
37 浏览
0 赞好
0 留言
清炒時菜($48),今晚嘅時菜係小白菜,幾嫩口,炒得夠火候,叫左咁多肉類,點都要叫返碟青菜點綴下嘅,碟菜好大碟,可以平衡返啦~

啲餸咁好味,真係食倒幾碗飯呀,已以後又多一個飯堂啦。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2015-02-06
用餐途径
堂食
人均消费
$126 (晚餐)