影片
又到周末！梗系约返三五知几，晚饭直落，今天都有D热，所以朋友们都选择咗成日要等位，但有冷气嘅有特色风味饭店！其实位置都唔难揾，就在西菁街内街，装修简约光猛整洁！我未入到去，已经见到门口好多特色小菜WaSaBi鱿鱼圈，入口Wasabi相当供鼻，鱿鱼圈很有口感👍🏻花枝酿皮旦，表皮薄炸得香脆，一口一啖刚刚好😋蒜香牛油猪串骨，炸得火喉刚好，再加炸蒜送啤酒一流🤣啫啫鸡煲小炒皇，配料多、炒得又够镬气👍🏻荷叶中虾龙仔饭，中虾新鲜再铺上蒜蓉，荷叶饭给哂中虾精华
继续阅读
周末晚上7点黎到伟记小厨，餐牌款式都几多选择，望落吸引。与家人一行四人，就叫左5个𩠌。椒盐豆腐$68，稳阵之选。豆腐size 适中，粉浆唔厚，炸得通透。木盘葱油鸡$108，味道不错。唔会过咸或淡，鸡肉质唔会好粉，都算新鲜。水煮田鸡$68. 呢味就比较失望。 田鸡炸过再放入呢盘辣油，咬落去就觉得好油腻。脆炸大肠 $68. 够脆ge, 但可惜好似全碟就系得外皮，感觉不到炸大肠ge 滋味鲜果脆皮咕噜肉$68与一般咕噜肉无异，味道是正常，只是我食唔到脆皮的含意。成餐无惊喜，埋单食左4百几蚊。如果唔系不用等位，相信会考虑其他选择。
继续阅读
今日星期六周围都爆，行左去西菁街揾野食，见到有间唔驶排队就入去试下。餐牌坐低叫左三𩠌一汤1. 咸旦白菜汤正常 无问题2. 炸虾饼无乜虾肉 好薄 个皮就普普通通 个汁ok3. 招牌头抽鸡来到招牌菜先出事，一拎过来果下见到啲鸡嘅颜色好似白焯咁心知不妙。夹黎望下先，啲汁好希……鸡肉好鞋，用头抽都可以无味4. 蟹肉扒时蔬蟹肉少都预左，所以正常。呢间野一定唔会再来
继续阅读
经常路过都见旺场,,今日一行三人一于入去试试..大约八点许好好彩仲有一张细枱, 有电视睇感觉不错..先黎招牌菜..其实系尖沙咀一间大排档既招牌菜, 估唔到而家元朗都有得食.感觉冇咁脆..但都还可以...要衬热食..冻左会硬少少$68算抵食女...加上份量都好多,,白菜在底部...三个人最后都不能清碟牛肉味很重又淋, 可惜咸了少少~~~~一桶每人有三,四碗,,大蚬约七只左右,,,很大很新鲜...非常鲜味~~~不过胡椒味略为不足..昨日再去食原来可以加辣..加左辣更加好味..值得推介~~炒饭饭粒算分明又够干够镬气, 黄金味足..整碟饭份量又多...抵食!!!整体来说服务好过大排档...价钱跟大排档差唔多, 但胜在有冷气...真系一个唔错既选择!!!
继续阅读
元朗伟记小厨位于西菁街向内街行入少少，如果不是地头虫也许要花少少眼力才留意到。这里没有华丽的装修，只有圆枱，胶凳，非常麻甩。老豆喜欢，一于试试。砵仔鱼肠餐牌第一页有这一道，老豆双眼一早已focus在这道茶上。事实上真的很少见，我也是第一次吃。外面是炸浆，内面是嫩滑鱼肠和蛋浆，加少许楜椒粉去除腥味，口感特别。铁板牛坑腩热到出烟，牛形铁板现在好少见了。牛抗腩切粒，无筋不韧，牛味不错。我觉得太多红椒绿椒洋葱，虽然我不是不吃，但太多就有一点点喧宾夺主的感觉。鱼香茄子煲亦是热到出烟，最喜欢吃热辣辣的茄子煲。份量四个人都够食，不太咸，估计不多味精。唯独没鱼香，即没冇咸鱼味。其实很久没吃到真正的鱼香茄子煲了……西柠鸡云云菜式中以西柠鸡最为失望，没柠檬的酸，鸡的肉质松散，不够嫩滑。不过很大碟，抵食有余。清炒时蔬大大碟，炒工可见镬气足！菜新鲜，不油腻之余还保留到草青味。配上白饭几碗，吃尽镬气和元朗风味，在家一定煮不到！总括来说，我最欣赏这里厨房的工架和不重口味，吃罢并没觉得口渴，有别于一般中菜下重味精的陋习。还有不少菜式都几想一试，见到好几枱食客都有点荷叶中虾笼仔饭，但碍于当天太饱，唯有等下次再度光顾，绝对值得再来的小菜馆！
继续阅读