影片
更多
2021-07-04
100 浏览
玩味港式fusion菜 何蘭正搬新舖重開！裝潢依舊充滿懷舊香港特色，手繪龍鳳玻璃窗、霓虹燈牌打卡一流。新舖更將啡酒合一，可以日頭望住街景嘆杯啡，夜晚就係燈紅酒綠嘅氛圍下同朋友飲返兩杯。新菜式一貫創新有驚喜！▪️多水多汁鼠尾草烤雞胸 | 擔擔風辣冷豆腐 | 凍萵荀 $118估唔到食雞胸豆腐都可以咁惹味！擔擔風味嘅冷豆腐果然名不虛傳！當芝麻醬、辣油、蝦乾、蔥花走在一起，既同台灣拌麵有幾分相似，又有炒腸粉嘅風味。入口先嚐到蝦乾嘅鹹香，再嚟會在激情嘅麻辣停留係舌尖上。雞胸雖則唔會好似雞扒咁滑嫩，但肉質相當軟腍，完全唔柴唔乾。單食雞胸會嚐到淡淡鼠尾草嘅香氣，調味唔算太濃，當點埋旁邊嘅擔擔風味嘅醬汁，其實一樣咁惹味。豆腐超滑嫩，一條條嘅凍萵荀爽口，整道冷盤口感味道都亳不單調。▪️何蘭正式班尼迪蛋 | 伊比利亞叉燒 | 菠蘿 | 溏心蛋 | 開邊長棍麵包 $158伊比利亞叉燒經慢煮，肉質軟冧 入味 唔乾身。叉燒半肥瘦，外皮經燒香更帶燶邊位。溏心蛋 火喉控制得啱啱好，蛋黃呈半熟狀態。由外至內都相當入味，蛋香突岀，甜甜地帶花雕酒香。底下嘅長棍麵包烘得好脆，面頭放有片片酸酸甜甜嘅菠蘿，可以一消油膩感，麵包亦意
搬新舖重開！裝潢依舊充滿懷舊香港特色，手繪龍鳳玻璃窗、霓虹燈牌打卡一流。
新舖更將啡酒合一，可以日頭望住街景嘆杯啡，夜晚就係燈紅酒綠嘅氛圍下同朋友飲返兩杯。新菜式一貫創新有驚喜！
▪️多水多汁鼠尾草烤雞胸 | 擔擔風辣冷豆腐 | 凍萵荀 $118
多水多汁鼠尾草烤雞胸
$118
51 浏览
0 赞好
0 留言
估唔到食雞胸豆腐都可以咁惹味！
擔擔風味嘅冷豆腐果然名不虛傳！當芝麻醬、辣油、蝦乾、蔥花走在一起，既同台灣拌麵有幾分相似，又有炒腸粉嘅風味。入口先嚐到蝦乾嘅鹹香，再嚟會在激情嘅麻辣停留係舌尖上。
雞胸雖則唔會好似雞扒咁滑嫩，但肉質相當軟腍，完全唔柴唔乾。單食雞胸會嚐到淡淡鼠尾草嘅香氣，調味唔算太濃，當點埋旁邊嘅擔擔風味嘅醬汁，其實一樣咁惹味。豆腐超滑嫩，一條條嘅凍萵荀爽口，整道冷盤口感味道都亳不單調。
▪️何蘭正式班尼迪蛋 | 伊比利亞叉燒 | 菠蘿 | 溏心蛋 | 開邊長棍麵包 $158
伊比利亞叉燒經慢煮，肉質軟冧 入味 唔乾身。叉燒半肥瘦，外皮經燒香更帶燶邊位。
溏心蛋 火喉控制得啱啱好，蛋黃呈半熟狀態。由外至內都相當入味，蛋香突岀，甜甜地帶花雕酒香。
底下嘅長棍麵包烘得好脆，面頭放有片片酸酸甜甜嘅菠蘿，可以一消油膩感，麵包亦意外地無變濕變腍。
相當有驚喜嘅BENEDICT！創新帶港式風味，值得一試！
▪️冬陰啡 $78
飲落真係有冬蔭功酸酸甜甜嘅感覺！偶爾仲會嚐到一絲辣味，又幾特別。入口毫無espresso嘅苦澀，相當清爽，夏天飲消暑一流！
▪️Hot mocha $45
咖啡可以揀nutty或者fruity~ 入口順滑，咖啡香氣較朱古力味突岀。隨時間同溫度變化，朱古力會慢慢跑岀。整體嚟講，再次到訪，依然覺得每一道菜都好有驚喜！相當有創意！新店環境更舒適，同朋友慢慢食野 傾吓計聚下都完全無問題~
张贴
