裕鵝莊 (已結業)

今日同媽咪婆婆食飯叫左佢地出黎尖沙咀食，老人家鐘意食中菜就定律黎既，所以就揀左呢間中菜同佢地試下。地方好大，入面及出面都有好多座位。主菜當然要黎隻燒鵝先啦～不過原來依傢先知道呢到同深井燒鵝係有關係的～唔怪得啖啖肉，肉質又厚又香，不愧係出哂名👍🏻再者叫左個咕嚕肉，酸酸甜甜好開胃，而且呢到係用新鮮菠蘿唔係罐頭鮮甜好多。蝦醬炒通菜，叫左店員幫我加多d蝦醬炒到勁香咸香味，又唔會炒得過老，好爽口。叫左呢個澳門炒飯，裡面有菜粒菜甫粒蝦米...等等好多配料炒到個飯好香口，口感非常豐富。