尚上下夏 - 養生雞煲火鍋 (已結業)

平時食雞煲至驚食油多過食雞，而尚上下夏既雞煲就整得幾好！叫左小辣，個煲除左花椒八角，紫洋蔥，仲有豬皮，娃娃菜同芫荽添，香味十足。雞可以比你揀部位，我地就揀左大份雞胸加雞比！平時損骨多過食肉，而家又唔洗食雞頸，仲去曬骨，所以啖啖肉，雞胸仲要唔鞋！當你食完之後，就可以加湯繼續打邊爐，呢度唔係加清湯，係自己揀多個打邊爐湯底，我地揀咗芫荽皮蛋湯，好足料，入面有好幾舊大皮蛋同大量芫荽。之後仲嗌左響鈴，響鈴係自己即炸架，厚得黎好實在好有口感，唔係出面現盛買一夾就散果隻，索晒啲湯好好食。羊肉都幾好食，唔會好蘇。由於煲湯底唔係超油膩，所以唔會搞到打邊爐啲料索到全部油，好少食雞煲可以唔洗成咀油，可以再黎呀！