Flames (鴻圖道)

营业中

休息中

依排又去咗「Flames」食晚飯，一如既往Order咗個帶子沙律，再Order埋主菜、甜品、飲品，好滿足。*此餐廳收取加一服務費。紅酒燴牛面肉草菇扁意粉（單點$148），表面鋪滿芝士碎、香草，牛面肉肉質軟腍，食落帶有骨膠原、口感有D漿住漿住嘅感覺，牛味濃厚，草菇食落好Juicy，扁意粉口感軟硬適中，容易掛汁，紅酒汁味道濃郁、帶點微辣味道。香煎北海道帶子沙律（單點$148），帶子經過香煎之後，表面味道鹹甜，肉質厚嫩，味道鮮甜，沙律菜包括有桑莓、草莓、藍莓、紅毛生菜、苦菊、 生菜、豆苗，配以橄欖油食用，味道清爽。自家製甜品（單點$78），草莓慕絲蛋糕，Mousse口感幼滑，味道酸甜，配料包括有桑莓、草莓、藍莓、草莓果醬。Flames Lemonade（單點$68），採用檸檬汁、草莓蓉、芒果蓉、迷迭香糖漿製作，飲落好清爽。