影片
更多
2021-08-11
103 浏览
新都會頂樓都係餐廳，但人流唔算多，環境唔嘈吵，盡頭就係依間食豬既餐廳，門面隻飛天豬識郁架，超得意。餐廳一行落地玻璃可以睇下出面景色，亦有出口連接空中花園，都見唔少人係出面影靚相。🐷招牌德國鹹豬手 $308大大盤豬手，伴碟仲有酸菜同烤薯，絕對係二至三人份量。上到黎夠熱，外皮夠脆，內裡鹹豬手肉入味亦好軟腍，幾鐘意佢配芥末籽忌廉醬，果然係招牌。🥙墨西哥芝士新豬肉薄脆 $158平時出面食開既nachos都係有莎莎牛油果醬同芝士，而家仲有埋素既豬肉絲，同真豬肉一樣咁香，都令到盤nachos 味道好豐富。🥗香煎牛扒沙律 $192本來對沙律唔大期望，仲覺得價格偏高，不過食落牛肉真係好夠肉味，仲有blue cheese,炸洋蔥圈等等，非常不錯🍨香蕉雪糕新地 $88初頭幾疑惑點解等甜品等左一段時間，原來上到黎咁大杯，雪糕上面放滿焦糖香蕉同窩夫，好彩有人share 食，一個人絕對食唔曬😂Asahi $78, Tango $62.碟碟都咁大份，今次食到勁飽，下次真係要叫多啲人一齊黎食先得😂
新都會頂樓都係餐廳，但人流唔算多，環境唔嘈吵，盡頭就係依間食豬既餐廳，門面隻飛天豬識郁架，超得意。
餐廳一行落地玻璃可以睇下出面景色，亦有出口連接空中花園，都見唔少人係出面影靚相。
🐷招牌德國鹹豬手 $308
大大盤豬手，伴碟仲有酸菜同烤薯，絕對係二至三人份量。上到黎夠熱，外皮夠脆，內裡鹹豬手肉入味亦好軟腍，幾鐘意佢配芥末籽忌廉醬，果然係招牌。
🥙墨西哥芝士新豬肉薄脆 $158
平時出面食開既nachos都係有莎莎牛油果醬同芝士，而家仲有埋素既豬肉絲，同真豬肉一樣咁香，都令到盤nachos 味道好豐富。
🥗香煎牛扒沙律 $192
本來對沙律唔大期望，仲覺得價格偏高，不過食落牛肉真係好夠肉味，仲有blue cheese,炸洋蔥圈等等，非常不錯
🍨香蕉雪糕新地 $88
初頭幾疑惑點解等甜品等左一段時間，原來上到黎咁大杯，雪糕上面放滿焦糖香蕉同窩夫，好彩有人share 食，一個人絕對食唔曬😂
Asahi $78, Tango $62
.
碟碟都咁大份，今次食到勁飽，下次真係要叫多啲人一齊黎食先得😂
张贴
