茶墨 (已結業)

約左朋友The one 食飯行街，食完飯炎炎夏日飲品就必不可少。見the one 呢間飲品店有別平時既台式飲品，一於買黎試下。見選擇都唔少，但水墨系既呢個系烈就最特別，所以我選左麻糬芋泥鮮奶涷，朋友選左紫薯鐵觀音沙冰。因為啱啱食完飯，我地決定拎走慢慢啖。個外賣盒拎得好方便，麻薯拎到返屋企都有咬口，飲品甜度可自選，感覺好個人化同健康。朋友話佢份紫薯都唔太甜，又飽肚，細食話真係可以當一餐正餐。但我地比較大食，當個下午茶黎食啱啱好見佢d cake 細細舊，加配左兩件。榛子朱古力蛋糕食落又係唔會話死甜甜果只，有朱古力味，中間係海綿蛋糕。富士蘋果芝士蛋糕好特別，fresh 既蘋果味酸甜酸甜咁中和左芝士既油膩感，係夏天既好選擇。呢間飲品店位置方便，不失為行過路過都可以一試一飲既特別飲品。