影片
更多
2021-06-06
62 浏览
疫情關係，大家飛唔到日本，香港多了很多omakase 嘅舖頭，今日朋友介紹我去了銅鑼灣呢間上樓舖。lift 門打開見到摩登日式裝修，兩邊牆身都係落地玻璃可以睇到外面嘅風景，所以一啲都唔侷促。舖頭細細已經有三個師傅，師傅平均照顧二台客，所以服務好周到。佢哋而家嘅Omakase 係$1280有25種食物，份量都幾豐富。前菜係北海道嘅白粟米爽口清甜，之後嘅沖繩海雲配上松業蟹肉，酸酸甜甜幾開胃，加上蟹肉絲，味都幾配搭。蟹膏豆腐上面有少少魚子醬及香甜蟹肉絲嘅點綴，蟹膏豆腐入口非常有蟹味又帶點甜，又不會太腥。障泥烏賊配馬糞海膽，烏賊非常新鮮，爽口又帶少少粘粘口感，加上三文魚子及海膽有提鮮作用，味道相融。淡路島池魚，有酸酸甜甜，紫蘇花及薑汁配合，魚味夠濃又非常醒胃。北海道八爪魚，都非常新鮮，吸盤非常彈牙，韌性極隹，咬勁十足。鹽燒白貝，非常清甜又爽口。師傅新鮮剝殼的沖繩花竹蝦，蝦肉超級爽口彈牙，新鮮嘅係唔一樣。天草原石雕魚，口感煙韌，非常有油分。金目鯛，有少少木魚碎及炸蒜在面，肉質細嫩，加上蒜香又有另一種風味。富山灣嘅白蝦，肉質帶鮮甜，有小芝麻在面點綴，多了一份芝麻香，托底的檸檬汁滲入飯內，感覺好清新
舖頭細細已經有三個師傅，師傅平均照顧二台客，所以服務好周到。佢哋而家嘅Omakase 係$1280有25種食物，份量都幾豐富。
前菜係北海道嘅白粟米爽口清甜，之後嘅沖繩海雲配上松業蟹肉，酸酸甜甜幾開胃，加上蟹肉絲，味都幾配搭。蟹膏豆腐上面有少少魚子醬及香甜蟹肉絲嘅點綴，蟹膏豆腐入口非常有蟹味又帶點甜，又不會太腥。
障泥烏賊配馬糞海膽，烏賊非常新鮮，爽口又帶少少粘粘口感，加上三文魚子及海膽有提鮮作用，味道相融。淡路島池魚，有酸酸甜甜，紫蘇花及薑汁配合，魚味夠濃又非常醒胃。北海道八爪魚，都非常新鮮，吸盤非常彈牙，韌性極隹，咬勁十足。鹽燒白貝，非常清甜又爽口。
師傅新鮮剝殼的沖繩花竹蝦，蝦肉超級爽口彈牙，新鮮嘅係唔一樣。天草原石雕魚，口感煙韌，非常有油分。金目鯛，有少少木魚碎及炸蒜在面，肉質細嫩，加上蒜香又有另一種風味。富山灣嘅白蝦，肉質帶鮮甜，有小芝麻在面點綴，多了一份芝麻香，托底的檸檬汁滲入飯內，感覺好清新。
北海道嘅湯葉加上三文魚子，日本嘅湯葉完全將腐皮帶到另一種層次。花雕漬牡丹蝦，牡丹蝦新鮮不在話下，師傅大膽用花雕醃了一日，出奇地發現花雕同牡丹蝦的甜非常配合，特別是頭內啲蝦膏加上酒味，味道提升得更香濃。島根縣嘅春香蠔，海水味非常重，有重金屬味而且帶鹹味，係鍾意食法國號嘅朋友的首選。
北海道銀雪魚刺身，非常稀有的新鮮銀雪魚，入口彈牙油脂豐富，相對魚味比較淡薄。火炙喜之次魚，日本出名名貴的大眼雞魚，油分非常重，經過火炙帶出油香，入口非常油潤而滑順。岩手縣紫海膽，入口清甜，有海水味，回甘味悠長，因為新鮮關係唔會有明礬的化學味道，而且加上三文魚子配合唔使加豉油，配搭非常之好，鮮上加鮮。
磯煮鮑魚配蟹膏，鮑魚就爽脆彈牙，配上蟹膏嘅鮮味，口感特別又充滿鹹香。
西式焗白金鯛，用熱油淋上連魚鳞的魚皮，有米芝蓮feel，魚肉夠油，魚鱗脆卜卜，口感非常特別。
大拖羅及醬油漬拖羅，口感都非常豐富。炸穴子手卷，穴子炸過之後更香脆，油份依然突出。
最後嘅玉子，同平常的不一樣，有少少似布甸口感，有高湯味道，口感比較彈牙。
甜品蜜瓜同士多啤卷作結尾。呢個份量真係非常足夠，除咗用了新鮮高級食材，師傅喺壽司味道嘅配搭或配料，都花盡心思，加上唯美盤飾，比平時omakase 更具新意，呈現獨有的美感。
张贴
