影片
更多
2023-01-08
331 浏览
見到咁多名人介紹，又打著日本師傅主理，所以終於搵到機會黎一試！雖然我知道呢間餐廳係「燒肉」+「涮涮鍋」放題，但我係畀吸引嚟食燒肉，又唔係咁想俾咁貴食日本和牛，所以二話不說揀咗C餐Prime牛100分鐘純燒肉放題唔加涮涮鍋。一開頭其實都幾好，熟食區多野揀飲品都有凍熱飲，雪糕放題種類都好多，仲有大福同埋三色丸子值得一讚！呢啲都係牛角冇嘅！一坐低已經開好爐，歡迎拼盤坐低即上，感覺良好，不過惡夢就啱啱開始！拼盤啲肉預咗啱好食，份量屬頭盤，兩個人燒+食用咗3分鐘都冇。諗住叫Prime牛冇死啦，用QR code落單都好正常，限每次10碟都好合理啦！點知我落咗兩次單，等咗好耐都冇牛到，其他野不過不失可食可唔食～但係我黎係食牛燒肉放題啊，點解Prime牛叫極都唔出？仲要個落單系統冇分開已出貨同埋未出貨，啲牛腱肉、肩胛肉同封門柳講真落埋汁我真係唔係專業唔識分，所以根本唔知到底係有邊一樣野漏咗單…就係咁樣我成餐用電話落單叫咗6-7次牛，真正黎咗幾多份係冇人知，同埋真係出得好慢….再者講Prime牛質素，自問燒肉技巧唔算差，但真係份份牛無論扒定柳，都係冇乜肉味又橡筋質地，可能係貨源問題掛～（自我安慰算）抑或
雖然我知道呢間餐廳係「燒肉」+「涮涮鍋」放題，但我係畀吸引嚟食燒肉，又唔係咁想俾咁貴食日本和牛，所以二話不說揀咗C餐Prime牛100分鐘純燒肉放題唔加涮涮鍋。
一開頭其實都幾好，熟食區多野揀飲品都有凍熱飲，雪糕放題種類都好多，仲有大福同埋三色丸子值得一讚！呢啲都係牛角冇嘅！
一坐低已經開好爐，歡迎拼盤坐低即上，感覺良好，不過惡夢就啱啱開始！
拼盤啲肉預咗啱好食，份量屬頭盤，兩個人燒+食用咗3分鐘都冇。諗住叫Prime牛冇死啦，用QR code落單都好正常，限每次10碟都好合理啦！
點知我落咗兩次單，等咗好耐都冇牛到，其他野不過不失可食可唔食～但係我黎係食牛燒肉放題啊，點解Prime牛叫極都唔出？
仲要個落單系統冇分開已出貨同埋未出貨，啲牛腱肉、肩胛肉同封門柳講真落埋汁我真係唔係專業唔識分，所以根本唔知到底係有邊一樣野漏咗單…
就係咁樣我成餐用電話落單叫咗6-7次牛，真正黎咗幾多份係冇人知，同埋真係出得好慢….
再者講Prime牛質素，自問燒肉技巧唔算差，但真係份份牛無論扒定柳，都係冇乜肉味又橡筋質地，可能係貨源問題掛～（自我安慰算）
抑或食牛舞就一定要食和牛？
最後，唔知係咪後生嘅侍應普遍都比較厭世，其實除咗店長比較有心服務之外，其餘果3位侍應係零服務可言。（我見到有送餐機械人，老闆你都係快啲啟用啦www）
张贴