MOO MOO

营业中

休息中

今日同同事做野經過觀塘區，搵到間food court叫愛琴坊，入面見中一間店係賣burger，就決定試下點左一份素菇堡同埋熱帶風味熱狗，菇堡juice適合素食者！包底有驚喜，唔係出面買既現成包！熱狗賣相就一般，食落去先知原來配料係腸下面！可以再番食！跟餐配左個薯條同埋沙津。首先講下薯條，大！粗！上面仲有少少粉係到幾惹味！但沙律就真係麻麻，唔係新鮮菜黎，仲有幾粒粟米加鷹咀豆，睇樣都似係罐頭料黎，份量都略少！ 另外一點就係鋪頭有兩邊出入口，一邊入口係連住旁邊新起大廈既地盤，經常性有人出出入入，每次開完門都令到餐廳走冷氣同埋有塵吹入黎，同埋係敞門關係，經性沒有閂好，建議餐廳將佢轉為電動門會更好！