發記甜品 (已結業)

上一次食發記，應該都係舊年深井果次。呢日食完飯，行左過黎食甜品。唔知點解好想食發記，因為個香蕉酥卷好似幾好食。而家又唔使去咁遠就有得食，點都唔會放過既。其實，元朗呢頭都幾多甜品舖，有B仔、泛后等等。芒果班戟呢個比我預期既好，芒果雖然唔係當造既季節。但唔會太酸，而且都幾新鮮。算唔錯架。而個班戟皮唔太厚，食落唔會有剩係食到皮既感覺。整體上，佢地既班戟配搭上唔錯架。焗香蕉酥卷呢個大約要等十分鐘，不過都係值得既。個酥卷既製作幾認真架，個玻璃碟加上糖霜。個感覺算幾美觀。而味道都唔錯，除左有香蕉之外。更有朱古力海綿蛋糕作夾心。做到外脆內軟既效果，真係唔錯架。最正既係，個酥卷真係好脆口，雖然定價係貴，但都係值得既。其實味道同出面幾間甜品舖比，係唔錯既。而且花款都幾多，好味得黎又幾創新。不過價位就高左小小，但呢個問題又唔會有太大既影響。