肯德基家鄉雞 (KFC)

营业中

休息中

返學之前，去左呢度解決個午餐。有隻新既烤雞腿包餐，就試一試啦。呢間既環境比其他KFC為靜，可能係位置唔算太方便既緣故啦。烤雞腿包雖然個包唔算太大，但都算幾多料既。有生菜、蕃茄、薯餅第既材料。而且有小小似芥末醬既醬汁，不過我唔肯定係咩汁。個薯餅依然脆口，無比汁浸到淋哂。呢樣係相當之好既，真係唔錯。巴辣香雞翼味道都算唔錯，有雞味。薯塊太乾身啦，唔係太好食。凍奶茶都唔錯既，又唔會落得太多奶，唔係既就變左奶水啦。個新產品既味道唔錯，有舊薯餅令個餐豐富。