肯德基家鄉雞 (KFC)

耐唔耐就會想食一次KFC，今日同朋友行完街又食下KFC。南豐中心的KFC細細間座位唔多，我地都會揀少人的時間先食。雙層巴辣雞包是KFC的經典產品之一，平時都成日食 ，今日試左雙層版本更具飽足感，適合喜歡濃郁口味的人。炸雞餐，家鄉雞和脆雞各有愛好者。我就最愛原味家鄉雞。有時見到有八件雞優惠都會買， KFC必食之選。雞扒辣汁蘑菇飯是雞扒搭配辣汁蘑菇飯，帶來多層次的味覺。 一個飯可以滿足哂食雞同飯的慾望，都係我地成日食的選擇之一。…查看更多

見到有88蚊八件雞優惠去試下，落單見到已經覺得有啲唔掂，首先個八件雞都係油淋淋唔乾身，其次啲炸粉完全唔夠平均同飽滿，同宣傳相片完全唔一樣，第三食落特別係鹹蛋黃口味嘅雞件好乾身，完全唔juicy。…查看更多

優惠訂購平台提示我有積分到期, 就睇吓有咩好換啦。 多數現金劵都10000分換50蚊, 有部份叫做抵少少。 見到KFC呢個46蚊既餐, 只需要8600分, 咁啱肚餓, 就去換個餐食啦! 請個做到野既攝影師, 當然係吸引食客既關鍵啦! 今次呢個餐, 都叫做同張相對辦, 但係包薯條少得離譜囉! 搞到我想數佢有幾多條。個包都正常, 夠熱, 拎上手打開, 成件雞扒凸咗出嚟! 唔係咁大塊嘛? 😅 當然唔係! 食到大半, 發覺係擺歪咗! 即係呢餐下半世都無肉食🤭😝 我係叫巴辣雞腿包餐, 不過完全食唔到辣味, 所以搗埋薯條D粉落去食。結論: 如果俾正價去食, 好似唔太抵, 不過用就到期既積分免費食, 不妨一試。…查看更多

今日KFC突然喺社交平台出post話有新薯條🍟，試食期間仲要$5一份，好似好抵就要買嚟試吓啦！😙😙，點知可能係新野人人都去買，我就排咗20分鐘先攞到份薯條🍟😗😗～～～FingFing薯條🍟～～～$5一份普通裝薯條🍟我就買左兩份，可能始終係試食價份量真係勁細😑😑，細過M記嘅細包裝薯條🍟！會跟埋一包辣粉比你自己Fing 😉😉，🤴🏻同我都覺得Feel到有DD辣，大約有小辣程度，而辣得黎會有少少香茅味，佢話係粗薯條，但又唔覺得粗咗好多😛😛，整體都ok啦🫢🫢…查看更多

略嫌失色既雞腿包早排小弟口痕，見到KFC忽然心血來潮想食下，叫左個巴辣腿包餐。滿心歡喜咁樣拎住個餐坐低，點知小弟發現個雞腿包唔熱既，就咁感覺上好似室溫咁。雞腿包之外，薯蓉同埋薯格溫度同樣有所欠缺，由細到大幫襯左咁多次KFC好似都未試過全部嘢都質素咁差#安東尼日記 #安東尼美食日記 #美食博客#香港 #香港美食 #香港美食之旅 #香港好去處 …查看更多

媽媽又為我外賣，今次有燒雞芝士焗飯。所謂的「滿足餐」，是意想不到的滿足。外賣共有兩個盒，起初不經意，以為一個盛飯，另一個盛燒雞（？）打開才看見，兩盒的內容是一模一樣的。原來整個飯被拆分為二，兩小飯等於普通飯。雞是本餐廳的招牌作，鮮甜而纖維鬆軟，整體來說問題不大。純粹覺得此舉有趣，值得紀錄。…查看更多

前日(2-1-2023 Mon)元旦翌日補假,同老公買餸前食晏,諗唔到食咩好,KFC嗎?因為有電子劵,咁就嚟呢間啦,我哋嚟到剩低嘅位唔多,就剩返兩張bar枱,咁我去睇吓買咩餐,睇完後,決定買:1. $29.00嘅R1雞扒辣汁蘑菇桶飯餐要百事可樂呢個係老公食嘅,我冇食到,佢話啲汁好夠.2. 加$12.00要周打蜆湯老公加嘢,因為佢怕蘑菇汁唔夠,就可以將佢加落剩低嘅飯喥食,呢個口感可接受,蜆肉有少少鯹係正常吧.味道:2.8分3. $35.00嘅R2鴛鴦雙式雞飯餐同樣要百事可樂有雞全翼同雞胸,呢個本身係辣,係外脆內嫩嘅;而飯都係俾蘑菇汁啦,都係辣,辣到我係咁飲汽水,不過原來佢有啲粟米粒.味道:2.8分4. 加$6.00要粟米杯早知個飯有粟米粒記唔加呢個,呢個份量好少,味道同口感正常.味道:3分服務:老公點餐時話雞扒要唔辣,我同著紅色衫嗰個收銀講,佢話冇得揀唔辣,因為個汁本身辣,之後我問老公件雞扒辣唔辣?佢答係辣嘅.而我用$10.00嘅電子劵,要嘟8張,佢叫我慢慢逐張嘟,收多咗退唔返俾我.不過佢唔記得提用我YUU儲分,好彩我食o緊時記起,食完去返收銀處問,呢個係著黑色衫嘅真正收銀,佢肯即時加返俾我.2.5分抵食係2.75分…查看更多

見有幾張肯德基coupon就到期又無乜點食過佢既早餐，今日返工前順便上黎南豐試下，點知中晒伏⋯⋯😐醬燒雞扒包餐 💰3️⃣0️⃣落完單一分鐘都唔使啲嘢已經齊晒😶雞扒幾滑唔會太鹹，芝士係半溶，正常既，唯獨是個包硬咗啲，可能因為整完放左係度好一陣，但好彩都係暖既～塊薯餅一望已經勁油⋯⋯拎起成張墊紙都係油⋯⋯試咗一啖係微熱同脆既，但好似食緊成啖油落肚🤢 即刻吐左🤮結論係我宜家先知麥當當嘅薯餅原來真係好好食😂😂…查看更多

沒想過這個早餐質量咁好，通常吃肯德基家鄉雞都是下午時分，買雞件，想吓要辣定唔辣。今天吃的醒神早餐有一個濃郁蕃茄湯火腿扭扭粉，味道很好，蕃茄湯真的很濃郁，而且扭扭粉份量也多。圓圓的香腸味道不錯又有咬口，香脆薯餅剛剛炸起又香又脆。香蜜鬆餅好食到不得了，好有質感，這個早餐全都是我喜愛吃的。…查看更多

🍗椒麻脆辣雞2人餐🍟Spicy Pepper Crispy Chicken Buddy Meal-呢兩日天氣熱咗，係屋企真係冇咩胃口，可能食咗因為平時煮得太多，平淡嘅飯餸開始有少少厭😔見到KFC有新出嘅#KFC椒麻脆辣雞，既然咁吸引😍dinner就叫個外賣返嚟食下啦！-$149二人餐🍗🍗拎到返嚟仲脆卜卜好惹味🍗胡椒同雞好夾有淡淡麻香🍗辣度啱啱好bb辣嘅我表示接受到-#nataliefooddblog …查看更多

香港食葡撻地方唔多，最容易搵嘅係KFC。今次出咗新產品，葡撻cross over最愛之一麻糬，咁就試試。一打開，同大部分KFC 葡撻一樣，個底都係好油。另一點葡撻迷會失望嘅地方係，因為有麻糬同紅豆蓉係入面，所以蛋霜嘅部分得返好少，比例1:1:1。 總體而言，唔似食緊葡撻，唔係話難食，但變咗好似食紅豆撻。綠茶部分只係係舊綿花糖上面落少少綠茶粉，唔會食得出。另一大缺點係成個撻太甜，紅豆蓉已經偏甜，上面仲要有個甜花糖，畫蛇添足嘅好例子。呢d冠上「限定」之名嘅嘢果然都伏... 葡撻都係食返原味。…查看更多

已經食左好多日粉麵飯，想食下其他野了。經過新之城返屋企，不如今日叫雞食了。上到三樓KFC，原來今時今日都有咁多志同道合的人一齊來排隊。排隊期間更係上網揾下有無優惠券。原來KFC網上有好多優惠券可以直接用更可以重覆使用，真係不錯。今日全部都係叫優惠餐，兩個二人套餐有八件雞四個飯仲有兩個葡撻四杯飲品。再加二十元四隻雞翅。都只係一個三人餐的價錢有找，都算幾超值。返到家兩個葡撻仲熱成合都係雞仲有四款口味四個都係大盒飯實夠食…查看更多

今朝KFC醬燒雞扒包買一送一，總算趕上！原價$24.5一個，餐要三十幾？同M啲包差唔多大，同集團自然用料都一樣，梗嘅早餐都依個價，唔係做優惠真係食唔過，宜家等於食M嘅特價包，但講味道，不如等十一點後食特價雞包餐算，M的。…查看更多

有次和愛人說起，很久沒有吃過KFC，很懷念當年的烘鬆餅，於是趁星期六早上放假，決定到KFC 早餐一下。星期六早上九時許，繁忙早餐時段，也算多食客，看到收銀處正在排長龍。看見自動落單位置沒有人，於是便自動落單一下，方便快捷。早餐時段，整間食店坐滿八成的食客。愛人取餐之時，筆者看見這部自動洗手機，正值流感高峰期，洗手才吃早餐，正。筆者真是大大話話有十年沒有到過KFC 了，看見這部機，甚覺新奇。先放雙手於洗手位置，三秒後出洗手鹼液泡泡，之後待你洗完手，便再出水冲乾淨，再自動輸出抹手紙。筆者這個大鄕里戚戚稱奇！原來現在快餐店如此電動化。愛人遠遠看見我如此舉動，已笑過不停。珍寶熱香餅全餐配凍飲$38.5~快餐連鎖店的早餐，一向有穩定性，不過不失，雞夠入味，至於熱香餅加多點奶的比例會好一點，這點麥當當較為出色。反而齋啡以這個價錢，有意外驚喜。番茄濃湯火腿扭扭粉配香蜜鬆餅$21~用這個價錢，包餐飲，真的超值。香蜜鬆餅~KFC從前那牛油鬆餅，真的很吸引，是筆者至愛，還記得那種英式鬆餅，跟一包牛油，熱騰騰的，將牛油放落那鬆餅，香噴噴，味美無窮。不知從那時開始由牛油鬆餅改至香蜜鬆餅之後，就漸漸少來了KFC。一種食物往往留住這份情。…查看更多

繼今朝食左個大大大早餐，lunch堅飽到食唔落，咁就等到tea time食少少填一填肚，又平啲啲，好精明喔！來到南豐中心呢間KFC，人山人海，8成5都係外傭姐姐，搵個位難的是！捕係就快食完啲人附近，一個買餐一個霸位，同外傭姐姐同枱共進下午茶！叫左兩個下午茶餐跟熱飲，一個香烤蜂蜜雞翼餐，有蘑菇飯、雞翼同葡撻，另一個係家鄉雞餐，有巴辣雞粒、雞下脾、葡撻！兩半開始，都係$23蚊，抵呀！不過都幾失望，全部都係微熱，雞粒同雞脾唔脆添，奶茶勁稀，只係雞翼正常少少！呢個價錢呢個質素都仲可以接受嘅！…查看更多