夏麵館 (已搬遷) 新店位置

四喜烤夫 - 麻麻,上面因為無汁所以硬了點;下面有汁浸著的則太鹹.夏麵館小籠包 - 皮薄肉嫩,不過就是因為皮夠薄,所以勁易穿!紅抽抄手 - 同小籠包一樣,內裡的肉幾嫩滑,而且辣油味道幾好.擔擔麵 - 我們落單時並無叫辣(單上也只印著"擔擔麵"); 上檯一睇,個樣似好辣,但食落又OK喎,而且個汁又的確幾好味. 麵煮得剛剛好,夠彈牙.蝦仁腰花麵 - 叫得"蝦仁"以為大大粒,點知全部細細粒,仲要只得幾隻是"完整"的,其他只可以叫"蝦肉粒". 豬腰不錯,夠大塊夠爽. 另外個汁幾好味,撈麵食最好.排骨麵 - 即豬扒麵. 塊扒算厚,連骨,好處是炸粉不會過多. 但綜合意見我們還是喜歡之前兩碗...我們爭持於叫廿四蚊六件的紅豆糕還是廿八蚊得三件的豆沙如意卷. 最後決定試如意卷 - 原來特別在外層是用一粒粒糯米造成, 但除此外味道其實毫無特別,反而覺得太貴了.回家看網上食評才知道此店原來都幾多劣評,包括食物和服務. 我們這次食物幾好,服務都OK啦. 唯一奇怪是,明明我們到達的時候有很多吉檯,但依然要在門口等10分鐘才可入座, 其他人亦如是... 是否故意造成有堆人在門口等位的"假象"??