十二味 (將軍澳中心)

营业中

休息中

今日同啊妈系将军澳行街，顺便食个lunch.见到间餐厅几多好评，就决定试下。我几钟意食辣，但系我妈妈就唔食得辣嘅， 虽然呢间餐厅系川菜馆，但系可以要唔辣或者小辣，就但我地口味。妈妈就叫咗酸菜鱼，唔辣。就算唔辣，都好好味，味道好丰富。酸酸咸咸，啲鱼好鲜甜，除左酸菜还有蒜头，菇，等等配料，非常美味。套餐包埋一碗好大嘅白饭，加几蚊就配杯热情果饮品，超级大杯，里面仲有热情果籽，正呀!我就叫咗一个牛肉串串锅， 小辣。 佢哋嘅调味香浓惹味，有干辣椒同花椒，味道麻辣。牛肉都几多旧，仲有好多嘅配菜，好似莲藕，木耳， 薯仔， 又系好大碟。细食嘅， 两份午餐三个人都够。 我就叫咗酸梅汤，唔系太甜，啱香港人嘅口味，而且唔使加钱，不过就无咁大杯啦。因为第一次嚟食午餐，见价钱又唔系好贵，所以我哋贪心嗌多咗个尖椒炒鸡丁，依个坚辣！里面好多新鲜青椒炒鸡块，鸡肉有啲带骨，滑嫩令鸡嚟！我们还试了桂花酿，微甜， 不过我比较中意前面两杯饮品，比较解辣。