Chotto Maki (廈門街) (已結業)

星期六去灣仔探朋友仔，喺朋友屋企坐咗好耐，一傾就傾到夜晚，之後佢要上夜堂所以我就一個人去咗灣仔附近買外賣做晚餐😊-呢間壽司店B仔bookmark咗好耐，以前成日見到上司lunch time買黎做外賣，次次見到都覺得好似好正😆，今日終於有機會買黎試下。-✨Crush $72✨第一次食，就叫個經典口味黎試下先。一個爆曬餡嘅sushi入面，有三文魚、雜菜、甜蛋、天婦羅碎碎、櫻花蝦、Wasabi蛋黃醬同自家特調黑芝麻醬。一啖入口，澎湃嘅口感令人一試愛上。大大舊嘅三文魚魚油豐腴、加上有Wasabi蛋黃醬同黑芝麻醬作調味，入口味道極為豐富。整體同我哋平時食開嘅日式壽司好唔同，但係又出奇地夾到不得了。-Spice me up $72個名好似會辣咁，但係其實食落去一啲都唔辣。材料有鰻魚切粒、帶子、青瓜同蘋果啫喱醋等等。大量無骨又肥美嘅鰻魚，入口香濃厚嫩，而蘋果啫喱醋則中國咗鰻魚汁嘅濃味，整體味道平衡得恰到好處。-餐廳內仲有好多日本飲品可以選擇，整體感覺非常似食緊日式fusion壽司🍣，但味道又完全唔輸傳統嘅，非常有驚喜，係令人會回頭嘅特色壽司店。