影片
更多
2013-08-29
807 浏览
第一次嚟古法烘焙試嘅產品喺佢啲特色雞蛋仔，見不少食友都讚啲雞蛋仔，而荃灣區都喺小弟常到嘅地方，無理由唔走過去試吓架，而嗰次已感受到佢老細Eric對做雞蛋仔嘅熱誠同用心；除雞蛋仔，仲見佢有唔少別出心裁嘅烘焙產品，所以第二次就喺陪老婆嚟買幾款盒裝特色酥餅，作為佢升職請同事食嘅賀禮；其後間中都有過嚟買啲酥餅作為小禮物，送俾啲相熟食友試試，今次再嚟，點都要為番次自己喇！路經古法烘焙，本想試番牛油楓葉批，事緣上次老婆買嚟請同事食，唔好意思一早拆開盒批，所以麻煩佢留番一塊俾小弟，點知拎晒返公司一塊都無剩番嚟，無緣一試。可惜，今次嚟到古法，都喺試唔到，仲要死咗條心，因為停產咗，細問之下，啲楓葉批全人手做，工序又較繁複，反而銷量一般般，結果咪唔再做囉，真可惜。咁見佢鋪面推出咗啲「回憶之味道」馬仔，共有兩款味：低糖、黑糖，一盒賣$20，兩盒賣$32，一於拎返公司跟同事當下午茶啦。低糖馬仔因為影啲食物相緣故，偶然見到佢成份裡其中一樣嘢幾特別，叫「苦蕎粉」，小弟才疏真喺唔知咩嚟，所以上網搵搵，原來喺海拔千多米高寒無污染地方所生長嘅苦蕎，經浸洗、脫殼、磨粉等精製而成，有五穀之王嘅稱號，跟小麥粉混和可以用嚟做唔
路經古法烘焙，本想試番牛油楓葉批，事緣上次老婆買嚟請同事食，唔好意思一早拆開盒批，所以麻煩佢留番一塊俾小弟，點知拎晒返公司一塊都無剩番嚟，無緣一試。可惜，今次嚟到古法，都喺試唔到，仲要死咗條心，因為停產咗，細問之下，啲楓葉批全人手做，工序又較繁複，反而銷量一般般，結果咪唔再做囉，真可惜。咁見佢鋪面推出咗啲「回憶之味道」馬仔，共有兩款味：低糖、黑糖，一盒賣$20，兩盒賣$32，一於拎返公司跟同事當下午茶啦。
低糖馬仔因為影啲食物相緣故，偶然見到佢成份裡其中一樣嘢幾特別，叫「苦蕎粉」，小弟才疏真喺唔知咩嚟，所以上網搵搵，原來喺海拔千多米高寒無污染地方所生長嘅苦蕎，經浸洗、脫殼、磨粉等精製而成，有五穀之王嘅稱號，跟小麥粉混和可以用嚟做唔同嘅糕點、麵食、包子之類，更適合三高人士，屬健康食品；此外，用上麥芽糖、棕櫚油嚟整，感覺點都健康啲、天然啲。
「低糖」之名果然無亂誇大呀，馬仔食落真喺唔覺太甜，而麥芽糖嘅甜味嚟得較柔和，質感喺黏而不實，咬落煙韌而帶點鬆軟，蛋味亦算得上唔錯。配埋食友送贈醇香嘅朱古力奶，晌忙碌嘅工作中hea一hea，真喺俾自己一個好好嘅獎勵哩！
黑糖馬仔比起低糖馬仔，成份上少咗苦蕎粉，多就多加咗黑糖，不過如果你睇佢包裝，發覺只有紅糖，而無黑糖二字，其實又喺一個有趣嘅誤解。作為題外話，都分享少少當補充啦，其實都喺啲更識食嘅朋友講我知。紅糖（Brown sugar）一般而言泛指無經過精煉嘅蔗糖，啱啱就同白糖相對，所以，紅糖嗒落較有天然嘅蔗糖香味，而唔同色澤嘅紅糖都有唔同稱謂，較淺色嘅被叫做黃糖，食豆腐花就常見啦，較深色嘅就稱做黑糖，由甘蔗製造第一朕糖一般色澤頗深，依朕就喺黑糖，雜質較多，但營養卻又豐富啲，黑糖再精煉就成為黃糖。因為都喺聽朋友講，如有錯漏，請多多指教！
個黑糖馬仔晌質感上跟低糖馬仔無乜兩樣，都喺煙韌，黏而不實，不過蛋香味就無咁出，取而伐之就喺黑糖嘅清香，甜得嚟會覺得醇和多一啲，唔喺一味得個甜字嗰種死甜。其實黑糖可塑性真喺幾高，配好多食材都得，但又唔覺佢有黑糖雞蛋仔喎，我估都但得研究吓！
據Eric講，將會晌尖沙咀isquare開多間分店，裝修工程正進行得如火如荼，大概9月中旬左右開業，不過實際日子都仲喺待定，尖沙咀又喺小弟常出沒嘅區域，OK，啱晒我到時又可以買啲烘焙產品送俾啲食友，希望佢哋唔嫌棄又喺古法烘焙啦，哈哈！
张贴
