銀龍咖啡茶座

营业中

休息中

鯉魚門除咗海鮮，呢間銀龍都好多人話好值得去試，因為唔係可以喺出面輕易食到，入到去就見到無咩客，由於第一次幫襯都唔知有咩食，就隨口問咗老闆娘一句︰「有無飯食架？」，點知老闆娘回我一句︰「要食飯就隔離喇！」唔洗咁呀‥‥雖然舖內唔多客，但由於時間關係同埋唔係好想再比老闆娘串，都係叫買外賣，見到價錢係偏貴嘅！但如果好食，都可以接受！蛋白腐乳西多士（HKD30)~可能因為比外賣盒"局"到唔脆，而口味甜中帶有咸香，接受到就係「特別」，接受唔到就係「怪」囉！而我，係後者芒果布甸（HKD26)~芒果粒係多嘅！但好酸‥‥其實市面上好多自制布甸，甚至屋企整都好方便，如果呢個價錢，我覺得唔值！