銀龍咖啡茶座

一间收藏好多香港警察物品的茶餐厅，茶餐厅在三家村区内比较有历史和有名气的一间小店！茶餐厅内部墙身贴满店主同名人照片，看得出她很热爱祖国！点餐时会比一张纸，内容大致上话本店人手不足，所以要耐心等候奉上食物！有国旗在厨房旁边！我哋埋单走人时，仲送咗两个锁匙扣！虽然饮品偏贵，如饮品＄37，但食物都算正常价钱，爆场！记得名物有好似系腐乳西多士，几特别！之前嚟食过佢哋𠮶个芒果布丁，同埋通常都系食公仔面，今次食咗沙嗲牛，朋友话啲沙嗲几好味几浓！区内唯1茶餐厅，如果唔系嚟食海鲜，就只可以来呢度医肚！附近都有好多手信店，海鲜舖同埋出边有个小球场！记得好多年前已经唔能够借佢哋嘅厕所，因为佢哋好似个地基有问题，唔知问题解决未，又听过话要俾成个百万维修才能整返好个地基！但我见佢而家都好多人去！理论上应该整返好！呢个消息就要再确认！…查看更多

西多……. 西多。吃得出有诚意之作、唔系一般茶记预先做定、落单之后才即做、件西多内里既热力系事实、冇得扮即做。当你食过即做西多、就知道个分别。可惜冇分店系市区、如果有就好。…查看更多

帮手大型活动做车长，扶老携幼，帮手安排上落车嘅啫，其中一个点就喺嚟到鲤鱼门食团餐。然而，因为座位所限，我哋有少部份人就需要另行安排午餐，其实晌海鲜街呢边平平哋嘅选择唔多 ，好似就喺得呢间「银龙」，所以，简简单单喺度食餐晏。环境一眼望晒，典型茶餐厅格局，不过，就几干鲜企理，地方整洁:)，嚟得茶几都知无咩太多服务可言，不过啲阿姐都几好礼貌，又几好倾，而霎眼望埋去都可以讲喺区外客。呢度无乜饭餐碟头之类，主要卖嘅都喺公仔面、通粉，此外，所有嘢都喺散点，无话套餐、加配嘅组合，所以，计起嚟比出面茶记会贵咗一截。双拼通心粉 $31睇嚟睇去都喺拣咗脆皮肠拼回锅肉，因为都好耐无食过呢两款食材，咪睇成碗通粉都红当当，以为好辣，大家都知只喺罐回锅肉嘅汁沟咗落去，所以，只喺微辣，但就几惹味啲。老实讲都喺啲现成嘢，所以，味道喺预期之内，最紧要啲通粉无过腍。至尊奶茶王 $22虽然改到个名都几劲吓，不过，饮落又唔似预期咁犀利，查实个茶底都醇香嘅，口感都OK啦，但就唔会有咩惊喜感，个人觉得奶味偏重少少。因为都唔喺专登嚟食，所以，亦无乜期望，质素只可以讲不过不失，但与一般茶记相比，因为无套餐嘅关系，定价会令人觉得偏高。…查看更多

2023年11月1日，好耐冇嚟，推介新出一人套餐，可以一次食到全部镇店之宝，好聪明嘅菜单，包括一件猪手、一只冰镇饱鱼，一口腐竹西多士，一个芒果布甸，一杯奶茶（冷热饮同价）猪手好淋，够入味👍，冰镇饱鱼有惊喜，味道好好👍，一口腐乳西多士够特色，份量好好，大大粒，一个人食又可以试到腐乳西多士嘅滋味，又唔会太多太饱，最夹加錬奶，好味😋芒果布甸好好味，又唔会好甜，加埋花奶好滑，更加滋味，做饭后甜品好满足👍今次第一次试菠萝包，好惊喜，又够热，菠萝皮又脆，系食过最好食嘅菠萝包👍👍…查看更多

听身边朋友提起银龙茶庄好似几出名，一得闲即刻去试试价钱偏贵，但食物质素真系令我大失所望三文治难食，西多士冇料到其他嘢食同出面普通茶记差唔多我去𠮶日我朋友咁啱咩住黄色背囊，即刻俾人问究竟系唔系黑暴，呢个背囊啫使唔使咁敏感？可唔可以俾返啲基本尊重一位客人？卫生环境去得茶记都预咗唔会特别好，但呢间真系有啲污糟，啲餐具好油好似未洗过咁，叫咗杯一定要试嘅港式奶茶，一啲茶味都冇，侍应嘅服务态度亦都偏差，真系有啲贴钱买难受…查看更多