檳城小屋 (已結業)

原本打算食隔離間打冷，點知執咗，好傷心，入咗呢間小店。我都好後悔點解唔睇下食評先，大家講嘅嘢完全冇誇張，食物一般唔係最主要，老闆娘態度先係致命傷！好多規矩: 唔准郁枱凳(我搬張有凳背嘅椅俾小朋友坐俾佢話咗好耐)、menu有寫(鬼迷咁細隻字)嘅嘢如果再問會俾佢串、有兩個人入黎坐咗6人枱中間兩個位，佢命令人地坐番側邊(係命令)！店內貼滿各樣規矩指示，其中有一張大約係話”所有食物即叫即做，叫人唔好吹佢地，吹佢地會令人變得心煩”🙄，另一張英文嘅規矩內容我唔多記得，但最後嗰句係”Please respect our rule. “🙄，嘢食未黎已被搞到一肚氣😤其實我估小店係由兩公婆經營，守住間舖係好辛苦我明，但要有翻頭客唔該真係檢討下對客人嘅態度，同客尤如敵對關係，嘢食再好都冇用(仲要係嘢食都好一般🙄)! 老闆娘放低固執佢自己都會好過啲。