檳城小屋 (已結業)

之前返工經過見到搭棚，以為已經無做，Open rice又顯示已結業。最近棚架拆除了，發現店舖開了半閘。於是收工即管過來駁一駁看看是否有在營業！Gotcha！有開呀！問問老闆娘得知，該地區準備重建，舖頭只會做多一段時間！這樣要爭取多些日子來吃了！😯😯😯叫了碗=====喇沙海鮮摻摻=====湯底椰汁香辣濃郁😋去過馬來西亞很多次，這間煮得十分正宗！摻摻意思為油麵加米粉，是馬來西亞菜的特色喔！味道4.5/5分😋😋😋😋價錢：$60新鮮蝦肉，口感札實，豆卜充滿喇沙湯汁，在口腔內爆破🤩🤩🤩🤩另外叫了杯=====檸檬意米水=====看menu上寫著是自家煲煮難怪有媽媽的味道😂😂😂味道好健康女士健康之選！味道：4/5分😋😋😋😋價格：$18落完單先發現原來今日有期間限定阿媽飯！下次試下先！😋😋…查看更多

第一次去呢間餐廳食飯~緣起係有朋友話佢好食~但有好多負評!同埋店主已經決定今年年尾會退休唔做~ 所以就去食下!去當日係星期六下午~ 入到鋪頭完全冇人~老闆娘俾我印象係幾好傾的人~ 因為大家都有傾幾句~食物等左十分鐘就上台~一上台喇沙同蝦湯的味道都好勁~ 嗅都嗅到!檳城蝦麵馬來喇沙兩者大同小異~ 分別係蝦湯會較清~ 蝦味會濃的!喇沙就加左椰汁同其他香料~ 比較濃味!兩碗都好食~ 對於第一次食馬拉野的人都係介紹佢食喇沙!因為感覺會影接受的!因為檳城蝦麵真係唔係人人都愛!後尾聽返朋友講....好多人話老闆娘好惡....但原來話佢地得兩公婆做....所以真係會慢...平時的人LUNCH黎食...下下要好快...所以先俾老闆娘話...星期六去食...真係感受唔到平時的"惡"..建議大家都可以試下非繁忙時間去食下!…查看更多

個女人極度不禮貌，兩個人睇兩個餐牌，睇睇下可以攞走左個，全餐廳冇人，問可唔可以坐四個位，有人再坐轉返台俾佢， 大大聲話唔得，直到走間冇都係得兩台。 仲話鍾意可以唔嚟， 簡直不知所謂…查看更多

一個人走去食 入到去得一張枱有人食緊野 我揀左個角落位坐 坐左冇幾耐 老闆娘推左張枱埋我度 話張枱唔可以突出黎 搞到我坐個位勁窄 因見舖頭冇人 我坐左去隔離4人枱（店內只有1-2張2人枱 其他4人枱都係空的）老闆娘又串我係咪4個人食 聽完即刻唔想食走左大家唔好俾出面既相吸引入黎 好彩最後冇食 睇番食評原來食物質素一般 唔知老闆娘憑咩咁串 目中無人 不求良好態度 但連對他人既基本尊重都沒有…查看更多

湯底非常清，冇喇沙味道完全失望。小店經營，得兩個人，非常之忙碌。可能之前係好食啲嘅不過我當日叫咗一個喇沙米粉，湯底無味啲餸又少，收我80幾蚊完全唔值得，如果你想試吓嘅，要慎重考慮一下。…查看更多

總括鋪面滿滿既「名星合照」鋪內座位窄到不得了老闆娘服務態度奇差重重點係用三流既食材同廚技，收你相等於中環金鐘食鋪既價錢，實質只係位於土瓜灣一個小鋪位，一般茶餐廳都比佢好食！可一不可在…查看更多

 我個人比較大份，坐低發現座位非常狹窄，所以我推前少少張枱，”老闆娘”就即推翻入嚟，我又推翻出少少，之後佢手指座位側邊黐住嘅貼紙寫明”不能移動枱位置”仲畫左個直角位，要張枱黐住嗰個位😆,咁我咪坐第二張枱。當落單時佢企喺收銀機望過嚟，完全冇諗過行過嚟落單，隔住三四張枱開着電視嘈吵嘅環境下同我落單，原來午市送飲品佢冇講，其實全程都好似冇出過聲。牆上面左好多明星相，集郵唔係代表你好食，本身我係比我們外面食物相吸引，但實物就完全唔同樣， 豬扒豆卜喇沙麵 完全冇椰奶香味，好似一碗辣油麵一樣，配菜就只有一條菜同兩三條芽菜，豬扒實在好乾好韌，最好食就係嗰兩粒豆卜。埋單時已經只淨我一位客人，佢就由廚房行出來打開牆上邊個顯示器，有顯示出我同之前其他客人嘅單，然後背住我講52就即刻開始抄寫埋數，完全唔知道適當時候做適當嘅事，我等左一陣，但佢就一直背住我，我再講多次收錢，佢又重複52，收銀枱根本冇位放錢，我就將錢放係隔離報紙上面就走左，千祈唔好當我食霸王餐!!另外佢嗰個餐牌寫住每人一套餐具，如果要多一套又冇善用會收多$10嘅清洗費，真係好想知道乜嘢叫做唔善用。。唔怪得牆上有貼 莫生氣 …查看更多

都一段時間無去檳城小屋了，今日在附近踼完波，一於過去探吓老闆娘 Wendy 姐。講開檳城小屋都是一間話題小店，多數都是講 Wendy 好串! 哈哈! (有興趣可以睇番其他食評)。但小弟從無遇過，相反同 Wendy 幾好傾。最初是跟朋友去幫襯的(還在崇潔街舊舖)，當時真是一試難忘，到處揾嘢食的我，從未食過如此海鮮蝦湯麵(福建湯麵)，食得出蝦湯是用大量蝦殼長時間煮成，入口啖啖咸香鮮味，每碗麵有3隻中蝦2片魚片2隻豆卜小許芽菜份量多年無變，價錢都無變(但租金，食材都加了不少)。其實 Wendy 姐是一個非常堅持質量的老闆，情願利潤小D，都絶不稀場不會將貨就價。坦白講依家的蝦湯不及舊舖時那麼濃郁了(仍然好過好多食肆了)，在壓縮成本減少利潤的今天是可理解的。最可惜是年尾可能已成絶响了！10見證了檳城小屋多次變遷，休業，搬左搬右，再一次因為紅磡重建，Wendy 姐表示唔再揾新舖了，如果業主唔續租(因為要拆樓仲邊有得續)就光榮結業，所以我會把握機會落去好好支持吓。…查看更多

早知上網睇咗食評先嗰日同老公經過, 我地見外面貼左咁多明星幫襯相片, 應該差極有個譜啦食物非常一般，價錢偏貴衛生麻麻, 地下好多水漬呢d都算, 但個重點係... 服務態度奇差!!!我冇試過做食客受到咁樣的招待被個老闆娘(外面照片個肥肥地的女人)呼呼喝喝入面廚房有個男人(着住水boot 應該老闆) d態度呀 個嘴臉眼神呀 嘩 好似好睇你唔起咁其實你冇心做飲食業就不如執左佢啦無謂令到d食客咁難受如果唔相信的話 不妨去親身感受下態度有幾惡劣我以後唔會再幫襯…查看更多

本人從不寫食評, 這間餐廳激到我非常生氣.我在附近工作, 有天一個人去試這間餐廳, 一入去無人招呼你, 餐牌在卓上, 沒有午市套餐, 那都算, 散叫, 跟我下單的應該是老闆娘, 餐廳裡貼満了她跟很多名人的照片. 我跟她說了兩次我要雞翼湯面(不是什麼滲滲). 她可能耳朵有問題居然罵我沒說清楚我想要什麼, 我駁她: 阿姐, 我重覆了兩次喇 ! 她還死不罷休在喃喃自語, 好不满意的樣子. 在等餐的期間有兩個內地男人入來想點餐, 人家可能不食肉, 問她" 有什麼沒有肉的菜色介紹, 她居然非常大聲的回答 " 沒有呀, 這裡是食馬來西亞菜, 不是"素菜餐廳" 你們去第二度食啦" 那兩男人就起身走了. 我好驚呀她的態度可以這麼惡劣, 你不想服務不如不要做飲食業吧! 我沒有叫飲品她已經好不悅, 到我走時埋單, 佢找錢俾我是"掟"俾我的, 那一刻我真的想XXXX!!!說那碗面, 超難食, 兩隻雞翼, 而且份量非常少. 成HKD50+ 多, 真的貼錢買難受呀 !我奉勸各位真的不要去! 無謂食到一肚氣, 她以為認識好多明星好BA 閉, 真的睇你幾時" 閉" ! …查看更多

原本打算食隔離間打冷，點知執咗，好傷心，入咗呢間小店。我都好後悔點解唔睇下食評先，大家講嘅嘢完全冇誇張，食物一般唔係最主要，老闆娘態度先係致命傷！好多規矩: 唔准郁枱凳(我搬張有凳背嘅椅俾小朋友坐俾佢話咗好耐)、menu有寫(鬼迷咁細隻字)嘅嘢如果再問會俾佢串、有兩個人入黎坐咗6人枱中間兩個位，佢命令人地坐番側邊(係命令)！店內貼滿各樣規矩指示，其中有一張大約係話”所有食物即叫即做，叫人唔好吹佢地，吹佢地會令人變得心煩”🙄，另一張英文嘅規矩內容我唔多記得，但最後嗰句係”Please respect our rule. “🙄，嘢食未黎已被搞到一肚氣😤其實我估小店係由兩公婆經營，守住間舖係好辛苦我明，但要有翻頭客唔該真係檢討下對客人嘅態度，同客尤如敵對關係，嘢食再好都冇用(仲要係嘢食都好一般🙄)! 老闆娘放低固執佢自己都會好過啲。…查看更多

一上碟炒貴刁就已心知不妙，50幾一碟野得幾啖貨仔。。心諗好食既話都冇乜問題，一放落口既時候就發覺成陣膠味。。一開始以為係香料味，點知原來係個廚房佬戴住個洗碗手套黎煮。。個喇沙就成個出面啲車仔麵咁，又係50幾蚊，個魚片又成陣臭水味，青口又膠膠地。。個沙嗲又係奇奇怪怪，啲牛同雞用左好多黑椒黎腌，基本上係完全冇肉味，個沙嗲醬又淡到唔知想點。。。呀老闆娘如果想多啲人食你間野就真係唔該你自己食兩啖先。。如果你食唔出有乜問題就證明你真係唔係好啱做呢行。。睇緊呢篇既你真係唔好過黎比錢買難受。。…查看更多

真不知道那個是老闆娘還是打工的，打工的態度差不可接受，老闆娘態度差那可真是無話可說。我手拿著飲品，她就沖著我說不可以飲外面帶來的飲品。點菜時木無表情，我擔心她聽不到，她那嘴臉真不可一世。我問她要兩個小碗，她說兩個人只能用一個，另外那個就用那原本裝著炒麵的盤。這店，好吃的話，也不會再來，更何況只是一般。…查看更多

店外貼满明星相, 有金剛小儀推介, 以為實好掂。。狭小的坐位也罷, 疑似老板娘的女人態度超差超串, 以為食物超水凖故串得起吧, 點知難食兼唔平, 老公超不爽, 大家有$去做下善事, 無謂貼錢買難受, 早知上openrice睇咗食評先。…查看更多

食物價錢偏貴，質素差劣。令人食得火起，主要原因係服務態度超差，問下菜式既材料已經好不耐煩，而且漏單。食左喇沙湯麵，豬頸肉飯，檳城炒麵。湯麵既蝦肉身無口感，好唔新鮮。豬頸肉飯一般，無驚喜。 炒麵就好油，食完如口乾。…查看更多