王子廚房 (已搬遷) 新店位置

同事介紹話好食，但次次好多人都食唔到，今次終於有位食到，個午餐最貴都係$40幾蚊！我揀左個焗四色咖哩豬扒意粉，我想知點樣四色，上菜時又唔覺好四色，因為d豬扒遮住左，揭開發現有d巴基撕担紅咖哩、普通啡咖哩，就係咁我只係知有兩款咖哩，無四色wor！巴基撕担咖哩幾辣，但好香，襯埋本身有少少味，應該係炒過既意粉，好好食！另外款啡咖哩同平時既差不多，唔辣，不過都好好食，加埋焗完後焦焦地既芝士，一個字正！但因為份量好大碟，食唔哂！我同事叫既係素菜貝殼粉，我見上面灑左好多黑芝麻，應該好香，佢份量都好大碟，同埋好多菜，好抵食！最後我想講佢既餐湯係我見過最少的，但我貴精不貴多，最緊要好味，佢真係堅好味！唔會溝哂水，溝哂粉，又多素翅！同事話佢個羅宋湯都好多料，好夠味！下次試埋佢其他野先！呢度d野幾有特色，唔似普通茶餐廳豬扒飯，炒河啊呢d，幾有誠意！