影片
以上资料只供参考，请与餐厅确认详情
招牌菜
是日放假, 打算同男友系荃湾食个lunch先再出街本来系想食商场内一间米线店, 但入太多于是去了不用排队的'王子厨房'记得刚开店时食过一次晚餐, 印象中价钱同质素都ok餐牌真系水蛇春咁长, 睇左好耐,见店员好落力咁介绍就入左去餐汤: 罗宋, 忌廉各一罗宋汤好好味又多料, 如果俾我少少我就好啦忌廉汤就偏橙, 因为落左南瓜, 男友本身唔好南瓜但都饮哂, 应该都唔错啦主菜: 我叫左个有猪扒南瓜夹心+意大利粉 (唔记得个名了)男友叫左个烟三文鱼+蝴蝶粉, 冻盘黎 (都系唔记得名)猪扒系煎既, 因为当日喉咙不舒服, 同男友交换左3文鱼食个意粉对我黎讲系几惊喜, 佢系焗, 但唔系净意粉+汁咁焗系连埋好多菜一齐, 每食一啖唔只系食到意粉, 系夹杂埋好多菜但口感系唔会一patpat, 细食既我都全碟清哂!!男友果个我就冇试过, 不过佢冇弹到又当佢ok啦不过店内真系比较窄, 繁忙时间真系会几逼下所以我地都好多快手食哂相都冇影张就走lu
继续阅读
同朋友去开荃湾荃丰中心，又唔知食什么好，一直行一直行，就记得之前曾食过的王子厨房，上次食黑白咖哩，觉得好特别，而且唔贵。所以想再去encore。一去到，见到个餐牌又长左，A一直去到L，而且样样都写到好长，可能长d吸引d啦，人都几多。职员好快就叫我地坐下，有礼貌，服务好好。好快我地点左以下餐。每个餐＄48 （＋＄2冻饮）即是＄50另外都有一个罗宋汤，应该是加了香料，所以会有些特别味道，我朋友觉得似中药，有点苦苦，不喜欢。我就觉得几特别，味道可以接受。c餐：法式野菌烧汁配美国手切薯仔牛柳粒饭卖相十分之靓，如图中可见，饭在中间，汁和薯仔牛柳粒在旁，加上有香料在饭上，加上一点点绿色。味道亦十分之不错，薯仔及牛柳粒本来就是很夹，而且牛柳粒煮得岩岩好，不会太老。而沙津菜在旁亦为整个饭加上了一点点的fresh感觉。整体来说，好食。但是份量不算太多，男孩子可能会不够食。k餐：王子斑兰青咖哩配深海龙利鱼饭卖相亦十分之靓，饭和咖哩分开放，我很期待斑兰青咖哩是什么味道，以为和斑兰蛋糕味会似。点知其实唔系好食到斑兰味道。如果只说是青咖哩，又不算好有泰式青咖哩的感觉，因此它比较辣，而且不够甜，并没有加椰汁，所以味道我觉得一般。所以说穿了，只是咖哩龙利鱼饭。但可赞的是他们加了茄子入去，茄子煮得好林，好入味，加上咖哩上，十分配饭。口感有层次。希望下次再食下其他咖哩啦。
继续阅读
荃湾荃丰中心一连几个商场大家相信都识啦，佢入面有好多嘢食架，呢日我哋就嚟到最尾嘅昌寜商场嘅王子餐厅食lunch喇。佢个menu系人手粉笔字写，个个餐个名都水蛇春咁长，写得好有心机。我叫咗个芝士忌廉汁龙脷柳焗饭，你以为忌廉汁一定系白色？错！呢度嘅忌廉汁系青色架，而且有啲青草味 (...其实系咪比错汁)？朋友就好钟意佢个A餐沙律健身餐，系冷盘嚟，菜+肉+淀粉质比例系2:1:1，非常健康。呢度嘅四色咖哩都几出名，姐系一碟饭有4种唔同嘅咖哩汁，大家都可以嚟试吓。
继续阅读
间野开左几年，每个星期都经过，但以前得西餐食（里面张介绍讲明店主原本系西厨，之后先有研究咖哩），而无咖哩嘅。 舖头得两个人，一男一女做嘢 我地商量食咩咖哩嘅时候，相信系老板娘嘅人话叫个咖哩牛腩，不过我地想试齐舖头所有嘅咖哩，所以最初无打算叫，而叫左五色咖哩配薄饼（但因为唔够食，最后都系叫左牛腩），小食方面仲叫左蒜香牛柳粒。主菜有鸡卷意粉配沙律菜（送茴香南瓜汤同饮品）首先到嘅鸡卷意粉配沙律菜直觉已经觉得唔够食，D菜仲多过D意粉，不过D意粉加左自制嘅蜜糖芥末酱，甜甜酸酸做沙律酱。当我发现鸡卷『唔见左』嘅时候，见到两片『茄子』，唔止个样似，咬落口感都差不多，只不过呢个有少少鸡味，即系新一代分子料理咁话啦喔～五色咖哩配薄饼最出名嘅黑色：D人觉得佢唔好食，因为佢地知道呢个系咖哩，如果你的唔当呢个系咖哩，香蕉为个汁带来果香，吞落去有少少苦味，唔知同介绍话有朱古力去煮有无关系？不过单系呢两种材料，应该唔会有呢种黑色，唔知系墨鱼汁定芝麻呢黄色：正常巴基斯坦味道，呢度胜在茴香等等嘅香料够浓味，但唔会好辣！绿色：介绍话落左香茅同南姜，都有少少香茅味，里面嘅粒粒有辣味嘅，应该就系南姜白色；正常咖哩+椰汁红色：正常嘅咖哩可能都有番茄，但唔会番茄多过咖哩，但呢个就系可以番茄多过咖哩，但同时有咖哩香味南瓜汤反而之后到，因为有忌廉，所以会滑，但仍然有淡淡茴香味咖哩牛腩转配薄饼（+8），都系同上面个『黄咖哩』一样系巴基斯坦咖哩，但有牛肉味，更香，里面有D豆嘅物体唔知系咪花生，牛腩亦唔会过林。
继续阅读
友人J介绍的抵食餐厅，位于荃湾地铁站附近的商场，穿过一个个商场的玻璃幕门，不太好找。店面面积不大，有3张四人枱及1张二人枱，门外也放了1张四人枱，感觉有少少挤逼。店内外都用黑板写menu，颇有自家小店的风格。墙上也贴了不少餐厅被杂志采访的报导。黑板上每道𩠌菜的名称都好长，好难选择。如果店家提供有图文并茂的菜单会更体贴。由于店面容纳客人的地方有限，待应小姐都会加快客人的点餐速度。大概3分钟便会问问客人想食咩。我们最后点了 D、巴基斯坦咖喱配牛魔饭（牛根、牛腩、牛脷）及 H、挪威三文鱼手，紫椰菜茸忌廉野菜榄油扁意粉，汤选了忌廉汤及罗宋汤，饮品选了柠檬茶及朱古力。忌廉汤这碗忌廉汤比起一般茶餐厅的用心，有磨菇、洋葱丝、粟米粒。罗宋汤罗宋汤较为清淡，个人比较喜欢这里的忌廉汤。H、挪威三文鱼手，紫椰菜茸忌廉野菜榄油扁意粉这碟主菜一上桌，单靠卖相已经令人觉得十分吸引。三文鱼花好漂亮的三文鱼花，看得到厨师的心思。烟三文鱼入口香浓肥美。紫椰菜、红辣丝、粟米粒、红萝卜条、椰菜，丰富的蔬菜伴著宽条面，味道清淡的面底配上香浓肥美的三文鱼，味道刚刚好，还有橄榄油的香气。不过，寛条面是完全熟透的，若喜欢「弹牙」口感的可以尝试向店家要求。D、巴基斯坦咖喱配牛魔饭（牛根、牛腩、牛脷）店家对食物的卖相好有心思，咖喱的配饭也特意摆得好靓。咖喱味道香浓带少少辛辣，牛腩、牛筋、牛脷各两件，份量足，而味道方面好入味，喜欢咖喱的必试。咖喱是店家的皇牌之一，还特设了咖喱餐牌。雪米滋埋单后，给我们各人送上了1粒雪米滋作甜品。晚餐$47-$50有汤、饮品、主菜、雪米滋，价钱方面已经系100分。主菜的卖相吸引及味道不错，值得一试。由于店内冷气较大，食物好快变凉，记得要趁热食。另外，饮品方面比较失色，我点的是朱古力，淡而无味，所以也没有影相。热柠水应该是最安全的选择。还有抵食扒餐，可以下次一试。
继续阅读