影片
更多
2014-08-24
2724 浏览
雞煲大家就食得多，但以豬軟骨做湯底既骨煲，大家又食過未呢？！我同男朋友就未lu，係時候要轉換一下新口味先！最近好友"為食狼"約會頻密兼周圍食好野，無他既...皆因異性朋友一籮籮！經他介紹之下，成班為食嘩鬼拉大隊齊齊去試豬骨煲 ！豬軟骨含有極豐富既膠質 ，充份補充骨膠原，簡直係女仕既恩物呢 ！"骨煲皇"位於塘尾道，係旺角地鐵站C2出口, 沿亞皆老街直行便到, 大慨需時十零分鐘左右。飯店既裝修雅緻企理，地方寬敞舒適。"為食狼"預早訂左間房，但到埗後大家先知其中一pair好友因為食左胡椒湯底既骨煲，燥熱抱病 來唔到，12人唯有改為10人了！為免瀨野，"為食狼"即時叮囑大家唔好點有胡椒既湯底, 點兩個豬軟骨煲喇！點好湯底，大家各自修行混醬，呢度既醬料頗為豐富 ，有椒絲、葱花、芫茜、乾葱蒜、沙茶醬、鼓油等……至於邊邊料，有好多款式架，樣樣都點d，加埋兩jar竹蔗水、可樂、啤酒等。正式開餐 , 煲内有粟米、紅蘿蔔及好多豬軟骨啊 ，d豬軟骨大大舊兼啖啖肉 ，入口即化，肉質軟腍而不膩，軟骨鬆脆有咬感，湯底鮮甜唔肥唔膩。粟米爽甜 。鲩魚片 ，爽滑新鮮。炸魚皮 ，脆卜卜。炸嚮鈴
"骨煲皇"位於塘尾道，係旺角地鐵站C2出口, 沿亞皆老街直行便到, 大慨需時十零分鐘左右。飯店既裝修雅緻企理，地方寬敞舒適。"為食狼"預早訂左間房，但到埗後大家先知其中一pair好友因為食左胡椒湯底既骨煲，燥熱抱病 來唔到，12人唯有改為10人了！為免瀨野，"為食狼"即時叮囑大家唔好點有胡椒既湯底, 點兩個豬軟骨煲喇！點好湯底，大家各自修行混醬，呢度既醬料頗為豐富 ，有椒絲、葱花、芫茜、乾葱蒜、沙茶醬、鼓油等……至於邊邊料，有好多款式架，樣樣都點d，加埋兩jar竹蔗水、可樂、啤酒等。
正式開餐 , 煲内有粟米、紅蘿蔔及好多豬軟骨啊 ，d豬軟骨大大舊兼啖啖肉 ，入口即化，肉質軟腍而不膩，軟骨鬆脆有咬感，湯底鮮甜唔肥唔膩。粟米爽甜 。鲩魚片 ，爽滑新鮮。炸魚皮 ，脆卜卜。炸嚮鈴 ，輕灼後仍然酥脆軟嫩！枝竹就普通d。芝心丸 ，外皮幼滑，輕輕一咬，濃郁既流心芝士一湧而出，正到爆！其他丸丸 如牛丸、貢丸、墨魚丸等亦非常彈牙！炸魚片頭，質感比較硬厚。魚皮餃、雲吞 ，皮薄好食。豚肉 ，肉質嫩滑，肉味夠濃。鵝腸 爽口唔腥，有質感。肥牛 ，牛味濃，肉質細嫩。火腿片 ，油潤味濃。烏冬 肥美彈牙。差唔多就飲飽食醉，準備埋單之際，突然殺出左個程咬金 ...姐姐話未夠$2,400喎！原來係包房既最低消費，"為食狼"掛住溝女溝出禍，我地人數少左兩個，忘記左呢件事, 又唔夠女神細心！理應改坐廳大堂麻……個個食飽哂，唯有拿拿臨再加d啤酒汽水及點d貴價唔飽既海鮮~甜蝦刺身 ，好鮮甜啊，掛住食，唔記得左相機食先添！象拔蚌刺身 , Q彈爽口！
為左擺平呢單野，"為食狼"唯有豪d另外拎出500蚊掩口費，好型呀 ！所以呢餐每人只須俾$220打邊邊，真係快活過神仙 ……多謝"為食狼"！
题外话/补充资料：
雖然呢間飯店收費唔平，但食物質素唔錯，又唔使加一，都抵返哂喇！
(以上食记乃用户个人意见 , 并不代表OpenRice之观点。)
张贴
