Pancake Colours Cafe & Bar (已結業)

同女友行完街,佢話想試下呢間;入到去之後,嘩,開咗燈等於無開一樣,個設計...唔駛咁浮誇呀話!!??ok,做餐飲,食物質素先係最重要...叫咗個卡邦尼,一個三文魚龍利柳海鮮焗飯,一個至尊pizza...落單時,嗰位四眼姐姐認真攪嘢,無笑容,講嘢無尾音,甚至feel到有點不耐煩...噢,我以為同梗部電腦講嘢tim...餐湯餐飲把鬼,不值一提...好喇,主菜到,個意粉味道過得去,但唔夠熱...個飯經典呀,夠熱,但啲魚勁腥,自問最鍾意食魚&海鮮.但腥到唔想食都係第一次...個pizza,真係好好玩,可以成塊餡同塊皮完完全全分得開,啲料又唔夠熱,乜都唔夠熱,已經係死罪...我諗,除非我嚟食一餐你俾返一皮嘢我,否則,恕我寸啲講句,真伙請我都唔嚟呀...