影片
港铁旺角站 E2 出口, 港铁旺角东站 B 出口
继续阅读
开饭介绍
Pancake Colours 由上楼café 转形至兼营餐厅及酒巴的新派西餐厅，装潢以维多利亚时期的英式风格。包场服务多元化，多年来举办无数大小派对包场活动；店内设多部大电视，还提供多款杂志、多达 60 多款 Board Game 及免费无线上网服务。
继续阅读
特色
适合大伙人
包场派对
饮o野倾计
营业时间
星期日至四: 11:30-02:00; 星期五、六及假期前夕: 11:30-03:00
以上资料只供参考，请与餐厅确认详情
招牌菜
食记 (232)
Pancake Colors旺角店最初设于旺角道电盈2楼，喺前往火车站既天桥会看到的，该处人流畅旺，帮衬此店既人自然也多，不过胜在地方大，所以等位唔会太耐。搬到现址后帮衬还是第一次，一出电梯，老公以为还未开门，餐厅黑漆漆的，行至正门看到有食客在内才确定店在营业，餐厅占地全层，地方仍是很大，装修跟以前也差不多，主要以仿Designer Chairs作卖点，不过新店相对失色，大部份既櫈外形差不多，更多是像宫廷椅，大大张，是以窗外阳光都给遮蔽了，而且櫈很残旧，老公更话餐厅格局像跳茶舞呢！hahaha餐牌跟以前没多大分别，食物选择依然超多，帮衬既时间既有午餐﹑也有下午茶餐，下午茶餐分甜食及咸食两大类，咸食多以三文治﹑德国肠仔餐那些轻食为主，甜食仍以旧时两类班戟作主打，即美式及法式，美式即我们常见既热香饼，而法式则为Crepe，我们每款各点一客，分别为天使魔鬼美式班戟及香蕉法式班戟，各$39(+10%)，包一杯指定饮品，老公点了冰低糖绿茶，我则点了热柠檬锡兰红茶。等了一阵香蕉法式班戟随饮品先来，卖相很不错，班戟卷一开二打斜置放，中间放一球云呢拿雪糕及几片香蕉，上面淋上朱古力及焦糖酱，相当讨好，让人食欲大开。香蕉﹑雪糕味道没有惊喜是预计之内，所以注意力全放在忌廉班戟内，是的，眼看班戟里只得厚厚忌廉，一些蕉肉也没有，让人有点失望，班戟皮厚实，而忌廉只集中在班戟中间，故头尾两边要靠外置既雪糕及香蕉同吃，这家餐厅所做既犹如茶餐，故我不应将佢来跟正宗的 Crepe相比，这样感觉会好一点。跟著天使魔鬼美式班戟来了，卖相嘛，这里其实真系几黑，故以Oreo饼碎作主要装饰既美式班戟看上去好暗...近看还好，白雪雪既云呢拿雪糕放在小圆饼上，除了饼碎，还有早餐用既朱古力脆米元素作配料，有点后悔没多口问可否改雪糕口味，本人确实不爱云呢拿雪糕，尤其系平价货。吃完刚才的法式班戟，本来对这个美式班戟不存期望，吃一口，热香饼暖暖的很松软，粉浆调味得宜，甜度适中，Oreo饼碎及朱古力脆米增加香脆口感，配雪糕及朱古力焦糖酱同吃超好味，当然，我唔排除第一度甜品既失望反映衬这美式班戟的好。整体而言，这里食物质素一般，价钱算是合理，服务麻麻，环境嘛... 仍是觉得灯光不够，让人眼睛疲累，要不是楼上茶木人龙太长，懒惰既我俩也不会考虑摸黑吃茶餐呢！
继续阅读
都记得系几年之前，我同我女朋友第一次约会就喺呢间餐厅。都4年几前啦，当年我地贪呢度啲枱几靓，又黑妈妈有情调先入去食。可惜当年啲野食认真一般，我地坐左冇几耐都走左啦。4年之后，约左朋友星期六出黎食饭。大家都知星期六度度都系人，冇book 位机本上好难食到饭。我同朋友胆粗粗提议不如去金白利行一转啦果度多食肆，第一张接到既传单系边间就去边间啦。点知一接就接左当年同女朋友去呢间餐厅啦。睇睇个餐牌都同我以前同女朋友食果阵好唔同啦，啲相仲好似几靓几好味咁添。今日连埋我同我朋友一共有三个人，顺理成章系叫三款野食share。由于本人对是日餐汤冇兴趣，所以只将两款野食升级做餐；我要野饮我朋友要汤。先讲讲个汤，睇落色水唔错架。 Waiter话是日餐汤系南瓜忌廉汤，但我朋友话饮落根本冇咩味，似粟米忌廉多过南瓜忌廉汤好多。而且汤入面系冇料的，唔似出面啲餐厅有一粒粒粟米或磨菇，令人联想到会唔会系开粉。之后上枱的系墨鱼汁意粉。咦！点解同个图完全唔同嘅？黑色一堆野咁，上面得几条绿菜@@个意粉味道唔错，几浓墨鱼味，亦都爽口弹牙。但入面啲墨鱼有少少咬唔开嘅感觉。个意粉唔够热呀，个热度keep得唔耐。希望餐厅注意返啲菜起左就唔好放太耐先端俾客人啦。羊肉不嬲都系我钟意食既野，今次同朋友食饭都唔例外、叫左羊架。好好彩地羊架刚刚好有三条，咁就唔洗烦点同啲朋友分啦。啲配菜好新鲜啲蕃茄仔同椰菜唔会「淋字字」。通常一般西餐厅都系会问要烧汁定要黑椒，呢间虽然唔系正式西餐厅，但都系问要烧汁定要黑椒汁，我地简左烧汁。个羊我地简左7成熟，咬落有肉汁同唔韧而且冇咩「羊so味」，但三旧入面有一旧有筋 ;(我咁arm食正果旧><。最后介绍嘅菜式系个pizza，真系好有自家制感觉。但系我feel唔到入面有菠萝，其他方面、例如啲味道、配料等都冇咩特别，所以就唔特别讲。(卖呢个价钱唔太值;<)不过我反而几欣赏杯野饮;>叫做Oreo可可米咖啡。啲oreo粉同可可米个味好夹得黎，令到原本苦涩既咖啡有朱古力香同甜，唔洗落糖都好好味架啦。
继续阅读
一入去由带位开始 啲员工块面已经黑过墨豆 无服务可言 我叫左2个小食 我食哂台上面既野佢都无黎 叫个侍应话啲野未黎 就「哦」一声算数 过多十几分钟 我地就走去同个侍应d野食仲未黎 叫佢未整一系cut左佢 佢又系一句野都无讲 要我地问佢系咪cut左 佢先话系 最后我地想打牌 但无人汁野 举极手都无人理 但见住啲侍应们劲hea 有个仲要带埋条女黎系度咀 讲到呢度我地当时系超嬲 就将啲野食放地下 之后同条女锡果个侍应见到就走过黎问咩事 就开始嘈起上黎话要收清洁费 一个侍应唔汁野返紧工同条女系度咀 间cafe发生乜能野事？ 啲态度仲要食左屎咁 嘈果啲真系唔想讲落去 讲到2046 只系劝大家食之前谂清楚 无咩都唔好去呢间cafe 野食贵 无服务 态度差 你食完包保你一肚气
继续阅读
我同个fd点左海鲜意式烩饭同卡邦尼蛋汁烟肉意粉。我第一次食意式烩饭会有阵印尼炒饭味同中国蒜味，完全唔似烩饭，好失望。但卡邦尼蛋汁烟肉意粉就几好，d蛋浆包住每条意粉，加埋浓稠但又不腻既芝士，非常惹味。饮品都几大杯，但加得比较多冰，冲淡左peach green tea既清香。
继续阅读
记忆中此店已开业多时了，光顾是第一次。事缘朋友仔生日，晚饭后转场吃甜点。布置很华丽，有点过火，古堡crossover暗黑? 其实算有特色，其实是....我老了。赶回家关系，快快手点了三份法式pancake，香蕉，朱古力，芒果(就是很大路的口味)悄悄找店员安排在pancake上放生日candle，真的有安排，抵赞。味道方面，三份除了配料和雪糕外，味道是差不多的。外皮蛋味较重，薄薄的，配上忌廉巧克力酱，味道可以，但不算突出。吃过真正的法式薄饼，就回不了头呢......
继续阅读