影片
更多
2014-07-27
46 浏览
月中收到店方邀請試食電郵,問晒詳細安排後,就book o左前(25-7-2014 Fri)晚,由於之前想帶埋爸爸o黎,所以book 2-3人,但爸爸始終都唔肯外出食飯 ,最後得我同男友o黎.我o地o黎到坐低後睇,落埋單後,男侍應就奉上兩個豉油,然後放低一盒8款o既調味料,有七味粉,金銀蒜,紅辣椒粒,蔥粒同芫茜.唔食辣o既我,只落三樣,就係金蒜, 蔥粒同芫茜.我調好喇,佢o既豉油本身係甜,充滿住芫茜同蒜香. 而我o地o係等o既時候,就食枱上兩個小食,一個一望就知辣o既芽菜,另一個係花生.我梗係食後者,花生卜卜脆,但原來帶小小辣,不過幾好食.而芽菜呢?真係辣,我唔食喇.等o左6分鐘,$198.00o既椰子新鮮雞煲(半隻)到o黎,睇見o個半隻雞幾靚幾新鮮,一啲都唔肥;椰子煲嗅到椰子香.男侍應問我o地餓唔餓?我答唔餓.佢話咁個煲滾起後落雞件再滾起後熄火焗10零分鐘就食得,否則雞肉會o鞋OK,我o地等呀等,等到喇,食得.撈起睇,僅僅熟晒.有皮包住o既地方,肉質滑,雞胸開始有啲o鞋喇,食完後,我o地都落點o左o既火鍋料,有:1. $68.00o既花膠硬o既花膠頭比較多,要灼耐啲至食,不過都唔差
我o地o黎到坐低後睇,落埋單後,男侍應就奉上兩個豉油,然後放低一盒8款o既調味料,有七味粉,金銀蒜,
紅辣椒粒,蔥粒同芫茜.
唔食辣o既我,只落三樣,就係金蒜, 蔥粒同芫茜.我調好喇,佢o既豉油本身係甜,充滿住芫茜同蒜香.
而我o地o係等o既時候,就食枱上兩個小食,一個一望就知辣o既芽菜,另一個係花生.
我梗係食後者,花生卜卜脆,但原來帶小小辣,不過幾好食.而芽菜呢?真係辣,我唔食喇.
等o左6分鐘,$198.00o既椰子新鮮雞煲(半隻)到o黎,睇見o個半隻雞幾靚幾新鮮,
一啲都唔肥;
椰子煲嗅到椰子香.男侍應問我o地餓唔餓?我答唔餓.佢話咁個煲滾起後落雞件再滾起後熄火焗10零分鐘就食得,否則雞肉會o鞋OK,我o地等呀等,等到喇,食得.撈起睇,僅僅熟晒.
有皮包住o既地方,肉質滑,雞胸開始有啲o鞋喇,食完後,我o地都落點o左o既火鍋料,有:1. $68.00o既花膠
硬o既花膠頭比較多,要灼耐啲至食,不過都唔差,一啲都唔鯹.2. $68.00o既牛骨髓
灼夠後食,軟腍腍,OK.3. $48.00o既牛心頂
薄片牛心頂,灼熟爽脆,好味.4. $98.00o既奇樂水餃皇
落單時,男侍應驚我o地食唔到咁多o野,就同男友講呢個俾半份我o地,咁半份就係四粒,
唔知佢o地會唔會計返半價?(最後至知係自動減o左Great. )隻隻都大大粒,脹卜卜,灼熟食,食落,好奇怪,口感同一般水餃唔同,內裡o既豬肉唔係一舊舊,係粉粉地,裡面雖然有木耳絲,可惜我又唔覺有口感.
呢個時候,啲湯好美味,比只有雞時更好味.
食到咁上下,點解其他o既重未到?我o地就問一問洛神花水,另一個男侍應問係咪落o左單?我o地答係,咁佢就拎o黎.
5. $48.00o既洛神花水一jar
佢拎o黎時,都即介紹佢o地特登燻沖得咁甜,淡淡地,等我o地食到食物o既味道.洛神花水其實我幾年前都自己煲過o黎飲,今次呢個唔太甜,微酸,OK o既.然後又繼續等,其他o野仍然係冇動靜,於是又問年紀大少少o既女職員響鈴,佢話係要啲時間.過o左一陣,佢又過o黎話幫我o地睇,話冇落到單. 我o地唯有再落返,再等多半個鐘,至再開始o黎.
8. $48.00o既即炸響鈴
一籃6條,跟o左個汁o黎,睇個樣唔油膩,放入去一灼即起,熱騰騰,其實佢好脆但索湯索得太快,所以腍晒.男友就食得切,覺得仍脆.9. $17.00o既串燒牛舌
一件大一件細,亦配上醬汁,我先唔蘸o黎食,落o左少少鹽,微鹹已經好夠,牛舌宦有大概8毫米厚,味道都濃郁.而o個隻醬係沙爹醬,落到喉嚨都幾辣吓,但其實唔蘸都已經可以. 7. $58.00o既冰豆腐
真係雪到硬硼硼有冰,睇到都知唔係滑豆腐,其實我o地o係佢同滑豆腐之間揀(冇留意價錢,o衣o家睇返至知滑豆腐只須$28.00),但我o地想試特色啲o既o野, 冰豆腐同滑豆腐有咩分別?原來係咁.而放o左入煲後,嗅到似腐竹o既味道,腍晒食得,原來呢隻係極索湯汁,壓落去啲湯汁又流返出o黎,似足海棉,好得意.
食落,口感就係o鞋口,但咬到爆汁,感覺新奇.不過真係要小心燙咀.6. $30.00o既秋葵
秋葵開邊切,都幾考功夫,灼到咁上下食,有益o既粘液仍在.如果呢碟都係俾半份,我o地都覺得夠.環境:
我o地一上到去,已經嗅到濃濃o既香料味,坐落後,感覺冷氣夠勁,但始終都有陣香料味.
裝修簡約,木枱襯白膠凳,地面只塗上光油,再襯少少紅色鐵皮場身,好輕鬆o既氣氛,但吸音設計不足,食客高談歡聚,耳朵真係受唔住.
服務:
由於我o地只有兩人,我o地落o左甘述o野食後,男侍應同我好男友講咩o野一半(因太嘈喇,我真係聽唔到佢講咩),男友話好似係水餃皇同其他o野食都俾半分我o地.都好,知我o地o黎試食,目的係試多啲種類,又唔使o徙;如果唔係試食,價錢減半都公道啊.但最後至知唔係,係水餃皇份量真係減半,其餘(上面由洛神花水起開始催促o既食物)都冇落單 ,暈.
而再等o既期間,個女職員都不時走o黎同我o地講整o緊,因即炸響鈴須時,同埋呢晚人多.
即使係咁,佢o地個個都好有禮貌,唯望上述情況可以改善.
價錢:
如果呢餐要俾錢,連加一係$484.00.
其他:
呢o度每枱有三個手機叉電插頭俾食客用,真係貼心.
到走時,我拎定佢同我o既e-mail出o黎俾佢o地睇,佢o地至知我係免費試食,所以我呢篇食評冇o野須要扣分.
衷心祝福店方繼續努力做.
味道係4.15分, 環境係4.5分
张贴
