意粉屋 (已結業)

前個星期同媽咪去飲下午茶﹐二點半過後都重坐滿晒人﹐下午茶要三點至有﹐唯有散叫。我要了個凍奶茶和香蕉班戟﹐之後重有少許肚餓﹐便加要一個蜜糖雞翼。落單時侍應已經話要整耐少少。上來的雞翼外貌唔錯﹐食落蜜糖味好香口﹐但係竟然整左咁耐﹐雞翼裡面都係未熟既。於是叫侍應換過﹐但想了一想﹐結果都係決定取消了。飲品一如既往﹐奶茶味好淡﹐只有香蕉班戟冇問題﹐香蕉新鮮﹐用的忌廉亦唔錯。埋單時經理有同我講對唔住﹐話佢都見到雞翼唔熟。圖片係外貌美麗﹐但內裡唔熟的雞翼。