易牙台式料理 (已結業)

突然想食台灣野, 嚮尖沙咀就諗起易牙!
我地揀左個lunch set, 包一個小食+飯/麵+飲品
小食有涼拌蕃茄/ 小魯肉飯/ 老水蛋/ A 菜一碟
主菜有紅燒牛肉麵/ 和風牛肉麵/ 魚香茄子撈新竹米粉....
我揀左小魯肉飯+ 魚香茄子撈新竹米粉配一杯凍洛神花茶
小魯肉飯對我黎講都唔細碗, 食晒成碗, 一定個主菜唔洗食呀, 小魯肉飯味道OK, 但一定唔講得係正宗, D 飯又過淋。
魚香茄子撈新竹米粉, 新竹米粉都係用黎炒比較好食, 呢個魚香茄子味道都係同魯肉飯汁一樣嫁, 只係多左D 茄子, 感覺好油。
飲品, 洛神花茶, 飲落似利賓立, 唔太甜, 幾好味。
總括: 唔洗等位, 坐得舒服, 味道普通, 試一次無訪