黑木亭居酒屋 (金馬倫道)

✌🏻已經係第二次幫襯了，上次食完都記住左呢間，覺得好食，今次再幫襯今次好impressive的一道菜：🥥椰皇壽喜燒A5宮崎+M7澳洲和牛寶盒 ($398)眼見職員將原個椰皇水倒入，湯底鮮甜🐃最讚係新鮮同上乘的用料，有三款牛肉，分別係A5宮崎和牛，仲有M7澳洲肥牛同埋M7澳州牛頸脊。牛肉雪花好靚，牛脂比例合適，有牛油香得來，又唔會太肥，就算係較瘦的牛頸脊，唔會鞋就來亦有好充足的牛味。不得不讚的仲有2隻大蝦🦐，通常大蝦要來得新鮮又乾淨唔容易，但係呢2隻大蝦彈牙的新鮮之餘，蝦頭鮮味而且好乾淨，食得好放心。🐟黃金片立鱗燒（三件）$198呢道係驚喜菜式，以鮮魚「今鯛」製作，咬落去鮮味不在話下，佢個外皮炸得香脆，食落好似食尿炸賴尿蝦的脆卜卜外皮，配搭魚的鮮味，加上特製的醬香，真係好特別又好食的菜式。🥗柚子八爪魚沙律（$98）呢道菜酸甜開胃，又多菜，好適合做頭盤。🍊紅火龍佛手柑熊茶（$78）飲落有唔少柑橘片，好富柑橘香，係消滯的飲品。