點心到 MIX·大排檔

营业中

休息中

放工啦，今日屋企冇飯食，唯有係岀面食埋先，食個家常便飯，咁啱見到呢間點心到，仲有人排隊喎，又排下囉。好，坐低睇下有咩好食先。入到黎本來諗住食點心，見到隔離枱個兩個小菜又炒得幾好喎，於是我又試下。麻辣雞煲，上枱個煲仲係支支聲架，有芫荽、洋蔥、辣椒 、西芹好多配菜，用匙羹撈下啲汁免黏底先。雞件厚肉又大大舊，仲有好多件。啲菇菇索左啲汁好惹味，個雞煲入味得黎唔算太辣。洋蔥介乎于腍同爽之間，呢個狀態最好味味。