東京築地拉麵 (已結業)

在OPENRICE捃咗間叫東京築地拉麵去試，起初以為淨係得拉麵，原來仲有串燒刺身同壽司食。原來已經改咗名叫「東京築地食堂」，咁就唔會好似我咁睇名誤會以為得拉麵食啦.「東京築地食堂」原名叫「東京築地拉麵」，位於旺角雅蘭中心地庫。座位一眼見晒，在地庫人流都唔少行落地庫時見到牆身有好多飲品相，好吸引，但點知果依家做完PROMOTION暫時都無天氣系列....唯有飲其他。田原芒果沙律 ~ 原來係炸拉麵沙律，頂層係將拉麵炸成不規則既曲線，灑上少許雜果糕，碗底係沙律菜。依個好新穎；如果沙律和雜果可以多番D而拉麵少番DD咁就PERFECT啦 !返工咁忙咁辛苦，放工梗係要食多D補充下體力，見到一檯美食開心晒冷烏冬，第一次食生果味，感覺好得意甜甜酸酸好醒胃，頭果兩三啖覺得好正好攪野，不過又無可能食晒碗，因為食食下覺得好濃好酸，一碗最好幾個人一齊SHARE來試咁就應該會啱啱好!牛肉粒同大蒜組成骨頭款既串燒，好少見大蒜打棟咁串起，牛肉粒好夠味好正，大蒜一齊食好夾!虎蝦 大大隻肉質爽甜，好OK !鯛魚燒, 中規中矩啦，火喉方面燒得耐咗少少帆立貝  好好肉大大粒肉鮮甜綠魅拉麵全部湯都清咗見晒底, 唔使講野啦 !