Coffever (已結業)

良心小店，啲店員好好人，我哋先叫咗兩個主菜，加錢可以叫其他飲品，叫咗個 Daily Ice Tea, 係桃茶嚟，幾好飲，入面有啲花瓣，影相又靚。主菜嚟度，首先上場嘅係慢煮安格斯腹肉牛排伴薯蓉，個樣已經正到想相都唔影即刻食。上菜嘅時候，個餐廳哥哥好細心介紹呢度菜，解釋係咩部位同煮嘅過程，好少可食到呢個部位，果然係好食，又嫩又腍，而且好重牛味，薯蓉又係好食。另外仲叫咗一個慢煮鴨胸意粉，意粉有al dente 嘅感覺，鴨胸亦煮得啱啱好，唔會太老，好食。估唔到喺一間小小既cafe, 食物質素咁高，會再去試吓其他食物！