角落 (已結業)

今日去旺角，朋友介紹咗一間台式餐廳，個名叫角落，一聽就覺得係小清新路線嘅餐廳。果然冇估錯，一行入去鋪頭，就覺得個裝修好別緻簡約，但係枱枱登登竟然排到密一密，令人感覺唔係好舒服。叫咗個鹽酥雞肉燥麵。鹽酥雞整得有啲硬身，味道都算係唔錯，但真係幾乾下。個面呢就扯左好耐先扯到一住出嚟，q埋一舊舊食起上嚟唔方便，好似做緊啲吃力不討好嘅事咁。整體味道都係還好，唔會令我返轉頭再食，只係可以醫飽個肚。另外，滷水雞翼嘅滷水汁好鹹，但係雞翼裏面竟然係唔太熟，都幾失望。