角落 (已結業)

openrice最近出左外賣自取~見幾得意就試下用~ 呢間餐廳好近公司,就拎佢黎試下~ 其實佢都幾貴,一個飯無包野飲都$50+, 不過OpenRice 用Master Card星期一過數的位,買滿$80 減$50~ 所以仲叫多左個鹽酥雞食....(其實係禁錯左...我想叫台灣香腸架本來...) 外賣自取都真係幾快~落左單可能十幾分鐘,openRice個app就話整好可以拎得 講真,50幾蚊一個飯我對佢真係好高期望,所以令到我好失望 鹽酥雞炸到好硬,無論係飯餐定係散叫; 而且無乜味亦唔脆,送飯好唔惦! 肉噪好油,撈飯都頂唔順... 如果唔係減左$50,一個飯加一個小食要$94,減左之後我都接受唔到個餐咁難食但要收$44 以後唔食呢間....

朋友介紹這餐廳好吃，於是今晚就嘗試一下。原本非常期待他的滷肉飯，可是令人失望。今日叫了一個牛柳粒肉燥飯，滷水雞翼以及扭扭薯條。充滿着期待的牛柳粒肉燥飯令人失望😞非常喜愛吃肉燥飯但這個肉燥飯的肉燥醬汁過於結身，不像一般的肉燥飯。但牛柳粒是合格的，肉質不會很難咬，但份量有些少。滷水雞翼不太滷水味，建議可以放於滷水中較長的時間，但雞翼非常大隻。扭扭薯條份量一般，而且味道普通，不會很脆口，不推薦這個薯條。

去到旺區唔想禁貴 唯有行返出少少 今次見到呢間角落既台灣店 店舖裝潢好清新好有台灣文青感覺鹽酥雞拼肉燥拌麵 雞肉帶五香味 口感酥脆 好好食 肉燥食落唔肥帶豬油香味 麵條軟硬適中 撈埋一齊啱啱好 完全唔需要落醬油午餐加少少錢轉飲台灣飲品 香芋奶祿 甜味適中 香芋味濃

呢間野只係扮台灣野食，完無台灣味道。未試過食野食到咁燥。叫咗滷水拼飯，乾爭爭無咩味，唔夠入味，應該煮得唔夠耐？再叫咗個台灣牛肉麵，無牛味，湯完全無味，只一好就煮得淋，一咬就咬到，箍牙都食到。不過份量唔多，如果女仔食就啱啱好，男人應該唔夠食。如果要食台灣野，其實旺角好多選擇，就算係難食嘅「台XXX101」我都覺得好食過呢間野。總括嚟講，質素真的令人失望，價錢實是不能接受，雖然價錢唔算貴，但咁嘅質素只值$40樓下，呢間野試一次浪費時間。

喺旺角行街行到攰，見到呢間餐廳門口裝修幾靚，仲要係我最中意嘅台灣野，所以即刻入去試試。嗌左一碗招牌嘅牛肉麵，同埋一杯珍珠奶茶，諗住呢啲最basic嘅野實無死，點知中哂伏！牛肉麵呢要同台灣比呢，我係香港暫時都無食到有一間真係出色，但係呢間直頭係香港黎講都係一啲都唔掂！首先個湯，極之無味，完全唔係平時食牛肉麵個種牛肉湯底味，然後加左啲辣味咁。再黎個兩舊牛肉，又係無乜味，仲要凍凍地......湯又唔得肉又唔得，都算...佢配菜心（第一次見牛肉麵配菜心唔好講笑，明明menu係小唐菜），諗住條菜應該實無死啦，竟然條菜都好鬼硬同凍，我懷疑佢跟本就好似當車仔麵咁整一整就算數。最後杯珍珠奶茶....... 一味得個甜字又係，完全飲唔到茶味同奶味，失望。

外面睇就幾靚咁，幾有格調，不過食物就不了。食物賣相都正常，但味道真心唔掂。唔知牛肉麵個湯點整，異常地醎，蓋過牛肉應有既味道，直頭食唔到牛肉到底咩味。因為唔想淨得醎味，所以落左啲辣椒油，但都唔知好定唔好啦，因為又醎又小辣咁⋯⋯又唔知係咪唔好彩，我碗舊牛肉有啲瘦左啲，但又唔夠淋，所以食落有點「柴」。另外個麵底，可能煮得太耐，麵可以泡，無咬口，一團粉咁。平時食開元朗某間出名同一間台灣人主理既台灣舖，真心差太遠。

同朋友行完街經過見到係台灣野，就好想試吓，所以就入咗去。呢間野話就話自己買台灣野食，但係勁難食囉，完全唔係台灣啲嘢食嗰種味。佢地啲珍珠奶茶，好明顯用味精奶粉沖，勁甜冇茶味。啲珍珠好似一pat 嘢咁，似煲左好耐都仲Keep住用咁。好心就唔好開間鋪話自己做台灣菜，完全影衰晒台灣嘢食，本身係見台灣野先入去食，勁失望。啲炸雞扒勁多粉包住，啲粉仲厚過啲肉，食完勁口渴囉。啲職員態度仲要唔好，催人落單咁，冇下次。

路過又有啲肚餓 就試試呢間睇落唔錯嘅台灣餐廳平時成日都去台灣 對台灣牛肉麵有種情意結😋但點知呢間餐廳真係好一般 只此一次 下不為例最失望係碗招牌牛肉麵 諗住叫招牌就實無死 麵質ok 無咩特別 但一飲啖湯就知落味精都幾重手 食完一碗要飲返幾杯水 牛肉都un un 地 完全唔值呢個價位珍奶方面 求其去貢x買一杯都好飲過佢😓 奶精味濃 偏甜 珍珠太淋 無咩咬口 飲左3分1就無再飲 寧願之後去便利店買水飲算鬼數環境ok 係坐得有啲迫 但可以接受 員工服務態度都麻麻地 總結 一定唔會再食

之前朋友介紹話幾好味，所以同佢去左食。點知食物質素好差，味道怪，我朋友都話呢間野變哂質。而且服務員態度極惡劣，係我地面前大力dum低碟野食，有d汁淺到落我件衫，跟住頭也不回行左去！

今日去完朗豪坊，見商場啲餐廳滿晒，所以出左去搵食。行過見到呢間台灣野全間白色幾靚所以入咗去，點知惡夢就開始。呢度啲員工態度極差，好似唔憂做咁，叫極都唔理。冇叫到佢過嚟嘅時候，我問佢牛肉麵會唔會好辣，點知佢答我怕辣就食其他啦。好啦，算啦，我冇理佢照叫左個牛肉麵，點知個麵真係好唔掂，個湯完全無味，牛展好硬而且都係淡而無味，唯一好既係佢真係辣味都冇囉。野飲方面我叫咗個泡沫咖啡，杯野係幾靚既，但飲落似係飲緊牛奶多個咖啡，無乜咖啡味。真係可一不可再。

叫左份鹽酥雞肉燥飯同珍珠奶茶以為呢d基本台灣野唔會太差但係鹽酥雞一d雞味都無 得個油又唔脆身飯粒又唔知用邊到既米 完全無台灣食開個種米既口感 冧到入口根本唔似食台灣大碗飯肉燥就中規中矩啦，無乜特別醬汁不過你問我我最誇張都係啲珍珠奶茶，啲珍珠同平時飲開嗰啲好唔同入口有種好奇怪嘅感覺仲好癡牙，奶同茶d比例又好奇怪，似係港式奶茶到過台灣奶茶不過你諗下如果港式奶茶加珍珠你就明果種感覺幾咁奇怪價錢又唔算特別平而我去嗰日咁岩隔離有幾個大陸人喺隔離大聲講嘢，搞到種文青feel冇晒總之就冇下次下次都係去返啲樓上Cafe穩陣

表面上賣台灣野，實際上做唔到台灣既味道。行到入黎，環境已經係麻麻地，店員又唔係好積極，最慘是個店長，唔知點解不斷望住你，好似你有問題咁，又唔係過黎服務你。打開本menus，選擇唔多，價錢又唔係平，但d圖係幾靚既，所以當下都感覺Ok，以為可以在香港食到台式地道野啦。點知最後叫到黎既野食，唔係掛，樣又唔同，而味道又完全唔係台灣果種味。食完即時急急腳埋單走，真係伏到喊，唔好話無下次，今次黎左試都覺好後悔。

今日買外賣有環保餐具送, 套餐具都幾靚呢間都幾多人排隊的角落位於旺角地鐵站附近, 最出名都係鹵水嘢同牛肉。我就叫咗個鹵水 雜錦 飯裏面都幾多餸 有兩隻雞翼 兩片牛展 仲有豆乾個鹵水汁好惹味， 牛展夾到淋淋地， 恰當好處軟硬適中， 又唔算太硬 好咬口。雞翼肉質嫩滑， 鹵水汁醃咗好耐 去上鹵水汁非常惹味。鹵水汁用嚟撈飯食 最啱， 飯的分量唔算多 普通人食剛剛好。 我比較大食就唔係咁夠喉。豆乾 彈牙可口, 好好咬口。 配上滷水都算幾日味。

其實香港也有台式的咖啡廳這間位置亞皆老街在朗豪坊行過去也只是一條街而已這間的格調是以Tiffany Blue及白色位置在這個環境休息一會兒 飲杯東西也是個不錯的選擇【街邊太多人與車 繁華閙市人醉夜】在這間店鋪絕對會感受到耶店鋪外面是十字路口 人來人往 車也源源不絕·蜂蜜紅茶(HKD$28)蜂蜜的味道略為淡了一點被紅茶蓋過了一點的味道·泡沫咖啡(HKD$32)泡沫與咖啡的份量是一半一半的比例味道與大型連鎖咖啡廳差不多耶

招牌牛肉麵🍜 ($60) 係旺角既一個角落開左間叫”角落”既台灣小店🤣 招牌牛肉麵既牛肉算淋👍🏻 麵質不錯🍜 湯頭就普普通通🤔-牛柳粒肉燥飯🍛 ($60)肉燥同一般食開既唔同🤔 帶少少酒味😛 牛柳粒炸得幾香口👌🏻 可惜亦最失望既係😳 食完非常口渴🤦🏻‍♀️📍旺角亞皆老街4號地舖