維記咖啡粉麵

营业中

休息中

嗨深水埗食野，應該好多人都會去維記試下佢出名嘅猪潤牛肉麵。對上一次嚟維記已經係幾年前，唔知幾年後嘅今日食物質素是否Keep到😅 去到門口見唔使等位即刻揾位坐低叫野食，"豬潤牛肉麵，熱奶茶，唔該！"幾分鐘後，我最愛嘅麵同奶茶都上齊。首先飲返啖奶茶先，奶茶唔錯，依然夠滑，唔會老，平時飲半杯嘅我竟然飲哂😋😛到主角啦！先飲啖湯先！湯同以前一樣好鮮甜，但猪潤不再像從前，或者因爲係成本控制，以前好厚身，大件，宜家變得好薄，加之浸嘅時間耐左，咬落下係硬硬哋，口感好怪，😓好彩我叫左雙拼，仲有牛肉食😅今次之後，維記已經唔再有令我心思思想去食嘅諗法。