Rerere1001日式串燒 (已結業)

其實餐廳環境同服務都可以，但係有好多位有進步空間。1) 喺OpenRice 訂了枱,本來諗住用entertainer APP discount, 點知佢話喺OpenRice 度訂位係唔用得，無奈。坐低咗，算了。2) 冇水冇茶, 一間日本餐廳，只係得Sparkling同Still water 賣，我唔係去酒店餐廳，佢都冇酒店嘅service喎 3) 份量太少，燒牛舌，一串得兩塊，燒茄子，一串得1/6隻茄子, 燒粟米，切到好細份得4件，全部都幾十元一串。4) 真係等太耐，好多食物我地都係等超過30分鐘，最誇張係牛肉流心蛋同油甘魚鮫，等咗超過一個鐘。食唔飽，但等咁耐，真係唔想再叫。最後同朋友去第二間餐廳再食嘢。大家都覺得唔會再去了。