湊湊火鍋‧茶憩 (如心廣場二期)

11月14日收到會員優惠短訊，叫任何湯底即送價值$368嘅牛肉，優惠直至12月14號，本人11月17及20日也有幫襯，當時嘅+1服務費並沒有計算奉送嘅牛肉上去！今日本人再幫襯, 居然將奉送嘅牛肉都要俾+1服務費。你呢個優惠係去到12月14號嘅，你就要必須跟隨呢一個優惠直到完結。
唔係你電腦嘅System而家改咗就要客人突然間俾返+1服務費。唔係幾十蚊嘅問題，真係原則嘅問題！

類似呢一個優惠，喺今年年頭都有出過，當時仲可以用會員積分換飲品。今次你哋由11月14號開始已經講明唔可以有呢個優惠，客人非常之明白。

但當你呢個優惠仲未完結嘅時候，係唔應該喺中途有任何更改。員工仲話，今次唔收你，但係我哋下一次一定會收返！你哋鍾意幾時收幾時唔收，你認為客人仲會有下一次嗎？

你哋要更改制度係咪應該要12月14號之後先更改呢？

此外，喺傳媒讚五粒星，講明係有免費飲品，不管你叫乜嘢嘢食，去到埋單嘅時候又話要收錢。當然我都係同佢理論啦。

既然你哋送優惠送得咁唔開心，不如唔好送啦！
原本我都係你哋舖頭嘅捧場客，現在真係非常之失望。