影片
更多
2018-06-24
22503 浏览
又一次黎亞太中心開飯啦!我啲屋企人五點鐘已經去攞位啦!門口嗰個侍應竟然同佢哋講五點半開始，七點鐘要交枱。放題時段係兩個鐘，我哋當然唔制啦! 理論咗一陣之後， 就七點半先交枱。點解兩個鐘變個半鐘呢?個價要俾兩個鐘價錢喎!竟然有其他客人肯七點鐘交枱。 第1 round先上一碟新鮮嘅刺身，部份款式有10片，珍寶大赤蝦質感爽甜，北寄貝彈牙，挪威三文魚新鮮，甜蝦過得去，希靈魚甜美，玉子一般，蜜汁鮑片軟身味濃，油甘魚油分充足，吞拿魚過得去，帶子鮮味，虎蝦一般，螺片爽口。 雞軟骨有少少嘅燶味，但係好脆。 蟹棒壽司加埋美奶滋醬冇得頂喇! 黃金燒帆立貝，帆立貝好大粒又鮮味，不過太多醬。 菠蘿唔會有渣，好甜， 紫薯唔會過甜，細細粒有咬口，呢兩樣嘢都係encore之選。 燒蝦有啲鞋口。 羊架啲肉好硬，但係冇羶味。 鰻魚好肥美， 啲汁都好夠，不過就有骨。 本來以為呢一碟唔會嚟㗎!嚟到嘅時候其實我哋個個都差唔多飽㗎啦! 不過好快又畀我哋ko曬lu。黑松露赤蝦壽司，赤蝦新鮮加埋黑松露醬好香帆立貝壽司大粒，尚算新鮮三文魚腩壽司，油份充足肥美油甘魚腩壽司呈粉紅色，又係油份充足肥美 左邊嗰舊係極上新產品---芝士鰻魚
我啲屋企人五點鐘已經去攞位啦!門口嗰個侍應竟然同佢哋講五點半開始，七點鐘要交枱。放題時段係兩個鐘，我哋當然唔制啦! 理論咗一陣之後， 就七點半先交枱。點解兩個鐘變個半鐘呢?個價要俾兩個鐘價錢喎!竟然有其他客人肯七點鐘交枱。
第1 round先上一碟新鮮嘅刺身，部份款式有10片，珍寶大赤蝦質感爽甜，北寄貝彈牙，挪威三文魚新鮮，甜蝦過得去，希靈魚甜美，玉子一般，蜜汁鮑片軟身味濃，油甘魚油分充足，吞拿魚過得去，帶子鮮味，虎蝦一般，螺片爽口。
雞軟骨有少少嘅燶味，但係好脆。
蟹棒壽司加埋美奶滋醬冇得頂喇! 黃金燒帆立貝，帆立貝好大粒又鮮味，不過太多醬。
菠蘿唔會有渣，好甜， 紫薯唔會過甜，細細粒有咬口，呢兩樣嘢都係encore之選。
燒蝦有啲鞋口。
羊架啲肉好硬，但係冇羶味。 鰻魚好肥美， 啲汁都好夠，不過就有骨。
本來以為呢一碟唔會嚟㗎!嚟到嘅時候其實我哋個個都差唔多飽㗎啦! 不過好快又畀我哋ko曬lu。黑松露赤蝦壽司，赤蝦新鮮加埋黑松露醬好香
帆立貝壽司大粒，尚算新鮮
三文魚腩壽司，油份充足肥美
油甘魚腩壽司呈粉紅色，又係油份充足肥美
左邊嗰舊係極上新產品---芝士鰻魚玉子燒， 可以唔使試， 因為冇咩味道。右邊個舊---香蔥鵝肝帶子， 我預咗自己一份㗎，但係我只係講咗幾句嘢就冇曬啦!
海膽手卷新解嫩滑，紫菜夠脆。
鵝肝手卷，粒鵝肝小得可憐。
比目魚燒得唔錯，冇霉味。
中華沙律同螺肉冇驚喜。
甜品款式太少。
张贴
