赤丸製麵所 (已結業)

星期日12點半到，見唔駛排隊就入赤丸製麵所試吓。坐吧檯，一樣舒服。叫咗牛肉湯烏冬和滑蛋吉列豬扒撈烏冬，每樣都係$30。湯烏冬嚟先，夠哂熱辣辣，烏冬滑得嚟煙韌彈牙，不過最大的驚喜是來自牛肉，唔係好肥成口油，而且軟滑有肉味。食完湯烏冬個撈烏冬先至嚟，同樣係相當熱。原本以為係乾撈，其實係有啲湯汁，不過味道略嫌淡咗啲；料就唔少，塊豬扒都算幾鬆化。整體嚟計，食物有質素，價錢算平，相當抵食。貪心啲，如果俾麥茶而唔係冰水就更加正。