更多
2021-09-14
132 浏览
屯马线开咗去九龙城揾嘢食真系好方便,但系今日又唔想食泰国嘢同潮州嘢。咁不如打边炉啊,朋友又话热气,怕热气不如食蒸加啦!太热啦见到呢间劲近地铁站既蟹仙海鲜蒸气锅就冲入去坐低😫😫😫坐低咗之后店员向我哋推介套餐,依家仲有5折只系399就可以一次过食晒唔同种类嘅海鲜,同埋佢哋嘅海鲜都主要野生为主。唔想谂嘢嘅朋友嗌套餐绝对系明智既选择。成个过程店员都不断系侧边为我哋蒸海鲜同讲解,十分之细心!越南大虎虾唔算话超大只,口感爽口Juicy,虾头里面嘅汁带鲜甜嘅味道。日本大元贝虽然蒸完之后有啲缩水,元贝嘅裙边爽口,元贝肉细嫩。韩国庆南珍珠蚝珍珠蚝比较细只,但蚝味一啲都唔小,食完之后口入面仍然keep住有好嘅香味。台湾九孔鲍鱼都算系偏大只,口感软熟而且鲜甜。太平洋野生青口店员极力推介佢哋嘅青口,系市场上少有嘅新鲜青口。店员话青口里便𠮶条草,系要野生嘅青口先会有。平时𠮶啲青口冇咬口食落又粉,呢只野生青口肉质竟然系嫩滑既!推介推介!纽西兰刀贝呢个口感就一般,而且有啲un!澳洲龙虾龙虾嘅肉好丰满,一叉落去成条肉起出黎食,肉感正,味道鲜甜好重龙虾味!太平洋馒头蟹呢只蟹个样好得意圆辘辘,佢个味好甜,但系肉真系好少,
太热啦见到呢间劲近地铁站既蟹仙海鲜蒸气锅就冲入去坐低😫😫😫
坐低咗之后店员向我哋推介套餐,依家仲有5折只系399就可以一次过食晒唔同种类嘅海鲜,同埋佢哋嘅海鲜都主要野生为主。唔想谂嘢嘅朋友嗌套餐绝对系明智既选择。成个过程店员都不断系侧边为我哋蒸海鲜同讲解,十分之细心!
越南大虎虾
唔算话超大只,口感爽口Juicy,虾头里面嘅汁带鲜甜嘅味道。
日本大元贝
虽然蒸完之后有啲缩水,元贝嘅裙边爽口,元贝肉细嫩。
韩国庆南珍珠蚝
珍珠蚝比较细只,但蚝味一啲都唔小,食完之后口入面仍然keep住有好嘅香味。
台湾九孔鲍鱼
都算系偏大只,口感软熟而且鲜甜。
太平洋野生青口
店员极力推介佢哋嘅青口,系市场上少有嘅新鲜青口。店员话青口里便𠮶条草,系要野生嘅青口先会有。平时𠮶啲青口冇咬口食落又粉,呢只野生青口肉质竟然系嫩滑既!推介推介!
纽西兰刀贝
呢个口感就一般,而且有啲un!
澳洲龙虾
龙虾嘅肉好丰满,一叉落去成条肉起出黎食,肉感正,味道鲜甜好重龙虾味!
太平洋馒头蟹
呢只蟹个样好得意圆辘辘,佢个味好甜,但系肉真系好少,想大大啖食都唔得🥲
大黄奄蟹
咁多款海鲜我最欣赏系呢只蟹,又多膏又多肉,店员话系来自菲律宾。扯啲蟹脚出嚟d蟹肉系一梳梳连住🥰蟹钳里便都系超厚肉!蟹膏又唔苦,同蟹肉一样好鲜甜!食完有幸福满足嘅感觉!
开头以为每样得壹旧会唔饱,最后食埋只蟹之后原来都真系会饱,真系眼阔肚窄🤣
最后食埋充满海鲜精华嘅粥底,真系饱到上喉咙。食埋个椰汁炖官燕perfect ending🥰
张贴