美心西餅 (已結業)

一直覺得美心西餅唔錯，經過就貪方便買幾件返去食。要左芒果拿破崙，蛋撻同ｔｉｒａｍｉｓｕ。芒果拿破崙：之前食過係幾好的，本身又好鐘意食芒果，但呢個令我好失望。芒果得個甜字，係溝左糖水果隻甜，好假，又冇味，吉士醬亦唔夠滑，好在餅底夠脆。蛋撻：冇咩期望，純粹好耐冇食先要。一如以往水準，蛋漿唔滑，撻皮淋，因為佢雪左係雪櫃，唔好食，食一半放棄左。ｔｉｒａｍｉｓｕ：呢件都好差，面頭既ｃｒｅａｍ唔滑，可以整塊片出，可想而知，內裡質地亦較濕，食左幾啖就冇食。