Room Garden Cafe (南豐中心)

今日經過荃灣 見到笑波子之前介紹過嗰間嘢 就好奇入去試吓因為見價錢都OK 嗌咗兩個主食兩杯飲品一個小食 牛肉漢堡唔錯嘅正常味道 黑松露薯條都係正正常常冇乜特別 啲醬冇話特別濃郁黑松露味 飲品不過不失 檸檬梳打比較酸但係幾清新幾好飲 老闆紅豆冰都唔錯 唯一真係失望嘅係個溫泉蛋卡邦尼意粉 賣相都OK 食落去啲醬都OK不過比較漏 唯一最接受唔到係啲煙肉 平時嗰啲薄薄地脆脆地咁 但係佢呢度係幾大舊肥肉 係真係吞唔落 要吐返出嚟 仲要唔係一兩嚿基本上一半嘅煙肉都係呢個口感 完全食唔落 好嘔心 未食過咁大舊肥肉嘅煙肉 真係好反胃 所以真係唔建議嗌呢個
不過值得抵讚嘅係員工都友善 幾有禮貌 不過之前睇笑波子都係話甜品比較推介 主食我就真係唔會再試 喺Cafe來講呢個價錢唔算貴但係如果呢個質素就貴咗少少😂希望可以改良下唔好用肥肉煙肉