魚心日本料理 (已結業)

去玩完之後, 寧舍肚餓, 友人話黎呢度食平野, 每次黎到, 都覺得好似去左黑店咁, 講緊係佢d燈, 好黑黑沈沈, 而樓面又唔光觧, 但都仲有好多人黎食架喎, 可能就係貪佢食滿$200, 可以特價黎叫三文魚掛?!不過我真係覺得唔好食, 又等得耐, 果日已經餓到死, 第一輪order左壽司, 軟殼蟹手卷, 半磅三文魚刺生+甜蝦等食物, d剌身就好快送到, 但其他食物....真係等了又等....最嚴重係個軟殼蟹手卷, 食到差唔多完先黎, 係第二輪食物都黎到先黎我個軟殼蟹手卷, 果時都飽哂喇, 黎到仲要唔係新鮮喎, 張紫菜林既, d飯又暖, 同壽司飯一樣, 不過係隻軟殼蟹都唔算細舊, 都多肉既其餘仲叫左個炒飯同吉列豬扒拉麵, 個炒飯都尚可, 個拉麵真係唔得, 麵既質地好似油麵咁, 一d都唔似拉麵, 而個豬扒我食左一件, 好似係肥膏多囉咁樣都要每人$100, 我覺得唔係太抵囉要食日本野, 都係比多少少錢, 去番d有名氣既黎食會好d