心之食堂 (裝修中)

朋友話時代廣場附近有間幾正既日本餐廳，係樓上舖嚟嘅，旺中帶靜，坐低邊食邊傾計都得，估唔到銅鑼灣都有唔太貴但又高質素既日本野食餐廳裝潢幾特別，有一大架單車掛左係幅牆，設計上幾有心思！講返食物先，有好多選擇，首先推介既係邪惡包，係帶子夾住肥美既鵝肝，油脂味超重，勁邪惡，must try!!再黎一個人氣心之蛋卷，厚厚既蛋捲住濃郁既芝士，仲有豐富既蟹肉同三文魚，又鮮味又juicy,茄汁甜甜地夾埋沙律醬，yummy!真係有流心架！！仲有一個好有驚喜既心心三文魚飯，外型夠晒好睇，味道亦都十分讚！一碗飯暖暖地又凍凍地，面層既灸燒三文魚撈埋下層既三文魚魚生，好滋味，另外餐廳既豉油都值得一讚，甜甜地，有別於一般只得鹹味既豉油～個名好搞笑既李小龍卷，炸蟹鉗都唔錯，幾香脆～另外，我仲order左幾款燒物，燒豬頸肉幾爽口，醬汁幾好味～蘆筍牛肉卷不過不失～牛柳串上枱個下仲有火燒，肉質嫩滑，醃得好入味，伴碟既鮮菠蘿超多汁！