麵匠風龍

营业中

休息中

有同事同我一樣係拉麵控。之前佢同我講過佢呢間覺得好食，所以有日OT 完就黎食。黎到都九點幾，竟然都有五六個客。叫左蝦湯拉麵。蝦湯好在雖然好有蝦味但唔油同唔杰，如果唔想食好濃嘅拉麵就啱啱好。啲櫻花蝦都幾多，不過始於覺得蝦湯同粟米唔啱。幾鍾意佢啲特幼拉麵。塊叉燒係分開上嘅，燒得好香但都幾油。蛋合格。衛生方面十分好。感覺好乾淨。最唔鍾意係張櫈太高但又冇得較高度。趴響度食。總結：如果想食唔滯嘅蝦湯拉麵，呢度都係唔錯嘅選擇。