影片
更多
2022-09-30
56 浏览
啱啱同同事砌掂個超煩客，為咗慶祝脫離苦海，所以搵咗呢間有啤酒飲嘅火鍋店。食火鍋我就最唔鍾意地方濕笠笠、太麻甩嘅地方，呢度一入嚟已經好乾淨舒適，裝修都好精緻，所以第一個印象都唔錯。見到咁多醬料，混完個醬都幾滿足，再嚟就要入直路見真章，睇吓啲嘢食得唔得喇！鍋底選擇好多，我鍾意食蜆又嗜辣，，就揀咗個黑椒卜卜蜆鍋，估唔到個鍋係即場用酒同黑椒喺我哋面前爆香，啲蜆勁香勁惹味，而且唔會搞蜆肉仲好鮮味，一啲都唔會老，正。 啲卜卜蜆好新鮮又無沙，加埋酒香同黑椒，絕對值得將個胃交畀佢哋呀！先上場嘅係極上手砌牛肉拼盤🐮🐮，牛味好濃又爽滑，忍唔住嗌咗聲“呢個掂呀”，再試埋我fd係都要點嘅牛黃喉（好少食唔識嘅部位），原來係咁爽口彈牙，真係長知識呀。然後再嚟一個餃子拼盤🥟🥟🥟入面有韭菜豬肉餃同雲吞，粒粒飽滿足料；蟹黃豚肉餃更加係重中之中，每一啖都有蟹黃呀~~搞到我好想嗌多打外賣呀！🦀🦀丸丸方面，我就叫咗牛肉丸同爆漿芝士墨魚丸， 作為一個芝士控，可以好肯定佢係畀到你滿足感嘅。另外仲點咗黑松露墨魚滑同瑤柱乾貝滑，未試過嘅真係要試，前者惹味後者鮮甜，真心想知係點整，家吓又返唔到轉頭，無得食好慘㗎嘛。 雖然已經飽到上心
啱啱同同事砌掂個超煩客，為咗慶祝脫離苦海，所以搵咗呢間有啤酒飲嘅火鍋店。
食火鍋我就最唔鍾意地方濕笠笠、太麻甩嘅地方，呢度一入嚟已經好乾淨舒適，裝修都好精緻，所以第一個印象都唔錯。
見到咁多醬料，混完個醬都幾滿足，再嚟就要入直路見真章，睇吓啲嘢食得唔得喇！
鍋底選擇好多，我鍾意食蜆又嗜辣，，就揀咗個黑椒卜卜蜆鍋，估唔到個鍋係即場用酒同黑椒喺我哋面前爆香，啲蜆勁香勁惹味，而且唔會搞蜆肉仲好鮮味，一啲都唔會老，正。
啲卜卜蜆好新鮮又無沙，加埋酒香同黑椒，絕對值得將個胃交畀佢哋呀！
先上場嘅係極上手砌牛肉拼盤🐮🐮，牛味好濃又爽滑，忍唔住嗌咗聲“呢個掂呀”，再試埋我fd係都要點嘅牛黃喉（好少食唔識嘅部位），原來係咁爽口彈牙，真係長知識呀。
然後再嚟一個餃子拼盤🥟🥟🥟入面有韭菜豬肉餃同雲吞，粒粒飽滿足料；蟹黃豚肉餃更加係重中之中，每一啖都有蟹黃呀~~搞到我好想嗌多打外賣呀！
🦀🦀
丸丸方面，我就叫咗牛肉丸同爆漿芝士墨魚丸， 作為一個芝士控，可以好肯定佢係畀到你滿足感嘅。
另外仲點咗黑松露墨魚滑同瑤柱乾貝滑，未試過嘅真係要試，前者惹味後者鮮甜，真心想知係點整，家吓又返唔到轉頭，無得食好慘㗎嘛。
雖然已經飽到上心口，但話咗要啤啤佢，就一定要飲埋先走，依家仲要🍺🍺🍻買三送一，唔係唔飲吓哇？！
臨走時隔離枱個花膠雞煲都好吸引，我諗下次就算唔係遇上西客，都會再嚟encore！😆😆
张贴
