清玉 (已結業)

烈日炎炎，來到區內唯一一間連鎖台式飲品店，叫咗杯益力多綠茶加珍珠。本人本身不太好甜，益力多本身應該已經夠甜，便選擇了走甜。果然走甜後的甜度剛剛好。飲品很快便整好，但味道實在讓人失望。所謂的「益力多」，絕對不是用益力多整出來，應該是用乳酸粉溝出來，飲落粉感十足。既然不是用益力多整，是否唔應該叫「益力多綠茶」誤導顧客呢？其實很多其它台式飲品店都唔用原裝益力多，但多數只會將飲品稱作「乳酸」。另外呢度的珍珠亦完全唔合格。珍珠完全唔成型，痴埋一舊，外層過淋，個心卻似冇煲熟，咬唔爛，完全食唔到。這間清玉做為區內唯一一間連鎖台式飲品店，唯一的好處就是就腳，只能算是冇選擇之中的選擇了。