清玉 (已結業)

話說31/12夜晚7點幾，行過諗住飲杯珍奶。然後就好似進入麥兜情境咁。A：唔該要杯鐵觀音珍珠奶茶B：唔好意思珍珠賣曬A：咁芋香奶綠B：冇曬芋頭A：咁仲有D咩？B：除咗兩樣冇其它都有！A：哦，好，咁402奶茶B：唔好意思冇曬紅茶。A：⋯⋯⋯⋯⋯⋯⋯咁唔洗啦（尷尬）其實，咩都冇，不如早D收舖啦，天寒地凍。但個情節好搞笑，忍唔住分享。

同朋友喺何文田廣場行咗一陣，佢就提議不如去飲清玉嘅水果茶。佢嗌左一杯珍珠奶茶，而我就點咗百香果水果茶。喺幅圖可以望到百香果嘅份量好足，唔會好酸又唔會好甜，有少少清新嘅感覺。非常之適合夏天消暑

早前係何文田新開舖我好開心的😂因為係呢頭既野飲店好少！自從佢開佐後就成日買黎飲，但個日嗌佐杯402珍珠奶茶令我印象深刻😳就係 太甜啦！我平時嗌野飲整係會嗌走冰only😂甜度就正常😳但係呢間的話我會揀甜度😂因為啲野飲正常甜度的話會偏甜。平時係呢間嗌開茉香珍珠奶綠，少甜就岩岩好。但個日試402珍珠奶茶少甜真係好甜好甜😂我記得要搵個地方坐低自己溝啲水落去😂前後都溝佐幾多下。但佢地其他野飲還是幾好飲的，珍珠份量感覺都比其他舖頭多😳但建議改改個甜度😂

烈日炎炎，來到區內唯一一間連鎖台式飲品店，叫咗杯益力多綠茶加珍珠。本人本身不太好甜，益力多本身應該已經夠甜，便選擇了走甜。果然走甜後的甜度剛剛好。飲品很快便整好，但味道實在讓人失望。所謂的「益力多」，絕對不是用益力多整出來，應該是用乳酸粉溝出來，飲落粉感十足。既然不是用益力多整，是否唔應該叫「益力多綠茶」誤導顧客呢？其實很多其它台式飲品店都唔用原裝益力多，但多數只會將飲品稱作「乳酸」。另外呢度的珍珠亦完全唔合格。珍珠完全唔成型，痴埋一舊，外層過淋，個心卻似冇煲熟，咬唔爛，完全食唔到。這間清玉做為區內唯一一間連鎖台式飲品店，唯一的好處就是就腳，只能算是冇選擇之中的選擇了。

本身諗住試下新店，但等成十五分鐘，巴士都走左幾班車，都未有一杯飲品。店舖冇咩人幫襯，整杯普通奶茶都甘耐，唔會再幫襯。價錢唔平，但味道、服務都不太好.......失望。

終於等到清玉開張啦！日昐夜昐，附近都冇台式茶飲店，最近要去旺角or紅磡，終於等到清玉的到來了！之前都好中意清玉既果醋系列，今日都好想飲架！但只限凍飲，天氣又咁凍，唯有飲杯熱朱古力奶茶啦！熱細朱古力奶茶，細杯，$21好細心會有個紙套提供，唔洗驚燙手，加分！打開杯蓋，有好香好滑既朱古力味啊！入口濃郁，口感順滑，好後悔叫左細杯啊！！唔洗10分鐘就飲哂啦sosad！加大杯只係加$2咋！依家仲有9折優惠，同埋買五送一，等我過幾日叫多d同學仔一齊去買先！